Mańǵystaý oblysy aýmaǵynda taraǵan jaǵymsyz ıiske qatysty ekologter túsinik berdi

AQTAÝ.QazAqparat – 31 naýryzda Mańǵystaý oblysynyń aýmaǵynda, ıaǵnı Aqtaý, Jańaózen qalalary, Jetibaı, Shetpe, Qyzan, Aqshymyraý, Shaıyr aýyldarynda jaǵymsyz ıis tarady. Jaǵdaıǵa qatysty ekologter túsinik berdi, dep habarlaıdy QazAqparat tilshisi.

Oblystyq tótenshe jaǵdaılar departamentiniń mamandary Jetibaı aýyly, Jańaózen, Aqtaý qalalarynyń atmosferalyq aýasyna ólshemder júrgizýdi jalǵastyryp jatyr.

«Aldyn ala júrgizilgen monıtorıng nátıjeleri boıynsha aýada óndiristik lastaýshy zattekterdiń (gazdardyń) shamadan tys artýy tirkelmegen. «Kazgıdromet» RMK avtomatty beketteri de búgingi tańda zııandy zattekterdiń shamadan tys artýynyń tirkelmegenin rastap otyr», - delingen baspasóz málimetinde.

Atalǵan ıis boljamdy janý ıisi (zapah garı) dep sanalǵandyqtan, ekologtar tótensheliktermen birlesip ıis shyǵý oshaǵyn anyqtaý jumystaryn júrgizip jatyr.