Mańǵystaý men Aqtóbe oblystarynda aqbókender sany 28 myńǵa jetken
«Ústirt taralymy Mańǵystaý jáne Aqtóbe aımaqtaryn qamtıdy. Sondyqtan, jylda kıikterdiń óńirde kezdesýi tikeleı jerdiń qunarlylyǵyna baılanysty bolyp otyr. Qorǵaý jumystarynyń nátıjesinde Ústirt popýlıatsııasynyń sany birneshe ese ósken. Máselen, Mańǵystaý, Aqtóbe oblystarynda ótken jylǵy sanaq boıynsha aqbókenderdiń sany 28 myńǵa jetken», - dedi Mańǵystaý oblystyq Orman sharýashylyǵy jáne janýarlar dúnıesi aýmaqtyq ınspektsııasynyń basshysy Ǵabbas Dosatov.
Sondaı-aq, mamandar bıylǵy tóldeý kezinde de kıikterdiń ósimi bolatynyn boljap otyr.
Aıta keteıik, Mańǵystaý oblysynda sáýirdiń 15-i men mamyrdyń 15-i aralyǵy «Kıik-2023» sharasy ótedi. Ol kıikterdiń tóldeıtin ýaqytyna oraılastyrylyp uıymdastyrylady. Bir aı boıy kıik ańyna brokonerlik jasaý jáne satý boıynsha uıymdasqan qylmystyq toptardyń zańsyz áreketteri kúsheıtilgen rejımde arnaıy quqyq qorǵaý organ qyzmetkerleriniń qatysýymen anyqtalady.