«Mańǵystaý» kemesi Ázerbaıjanda ótetin Teńiz kýbogyna qatysady
20:54, 01 Tamyz 2019
AQTAÝ. QazAqparat - Ázerbaıjanda ótetin «Teńiz kýbogy – 2019» baıqaýyna Qazaqstan atynan «Mańǵystaý» zymyran-artıllerııalyq kemesi qatysady, dep habarlaıdy QazAqparat tilshisi.
Baıqaý Kaspıı teńiziniń Ázerbaıjanǵa tıesili aýmaǵynda ótedi. Oǵan Qazaqstan, Ázerbaıjan, Reseı jáne Irannyń áskerı teńizshileri qatysady.
«Mańǵystaý» kemesi Oraldaǵy Zenıt zaýytynda qurastyrylǵan. Muzdaı qarýlanǵan áskerı keme sýdyń ústimen qatar, astymen keletin jaýdy da joıa alady. Gıdro-akýstıkalyq stansa men ózge de tyń qurylǵylar 40 nysanany bir mezette, avtomatty túrde anyqtaı alady. Tipti áýedegi ushaqty 90 shaqyrymnan kóre alady. Keme jabdyqtalǵan kezde áskerı bólimderdiń usynystary da eskerilgen.