Mańǵystaý halqy vaktsınanyń kerektigin túsine bastady – Amanbek Jumyrov

NUR-SULTAN. QazAqparat – Mańǵystaýlyqtar arasynda vaktsınatsııanyń qajettigi týraly túsinik qalyptasa bastady. Mańǵystaý oblysy densaýlyq saqtaý basqarmasynyń basshysy Amanbek Jumyrov ortalyq kommýnıkatsııalar qyzmeti uıymdastyrǵan onlaın brıfıngide osyndaı málimet aıtty, dep habarlaıdy QazAqparat tilshisi.

Mańǵystaý oblysy COVID-19 ınfektsııasyna qarsy ekpe alý kórsetkishi boıynsha nege sońǵy orynda tur? Ortalyq kommýnıkatsııalar qyzmeti ótkizgen onlaın brıfıngide BAQ ókilderi Mańǵystaý oblysyndaǵy densaýlyq saqtaý salasynyń basshylaryna osyndaı saýal qoıdy.

«Mańǵystaý oblysy ekpe jumystary boıynsha respýblıka kóleminde eń tómengi orynda ekeni bárimizge belgili. Jalpy bizge 435 549 vaktsına jiberilgen. Búginde sonyń 301 501 dozasy salyndy. ıAǵnı, birinshi komponentpen 45,9 paıyz, ekinshi komponentpen 40 paıyzdaı oryndalǵan. Nge tómen degenge kelsek, halyqtyń arasynda túsindirý jumystaryn júrgizip jatyrmyz. Qosymsha jyljymaly vaktsınatsııa qyzmetin iske qosyp, halyqqa qoljetimdiligin arttyrý baǵytynda jumys istedik.

Sonyń arqasynda keıingi kezde, ınfektsııanyń taralýy kóbeıgen kezde ekpe alý jıiledi. Halyq vaktsınanyń kerektigin, sol arqyly ǵana aýrdyń aldyn alýǵa bolatynyn túsingenin kórip otyrmyz», - dedi Amanbek Jumyrov.

Onyń aıtýy boıynsha, halyq arasynda vaktsınatsııanyń qajettigi týraly túsindirý jumystaryna medıtsınaǵa qatysy bar adamdardyń bári tartylyp otyr.

«Múmkindikterdiń bárin jasap, ári qaraı da ekpe jumysyn jandandyrý baǵytynda medıtsına salasynyń, ákimdik qyzmetkerleriniń, sanıtarlyq-epıdemıologııalyq qadaǵalaý departamentiniń mamandarymen birlesip túsindirdirý jumystaryn júrgizip jatyrmyz. Sonyń arqasynda dep esepteımiz, qazir qamtylý sanynyń 45-46 paıyzǵa jetýi de sol jetistikterdiń arqasynda», - dedi basqarma basshysy.

Foto:gov.kz