Mańǵystaý atom elektr kombınaty 1-energııa blogynda jóndeý jumysy bastalady

ATYRAÝ. QazAqparat – Búgin Atyraý qalasynyń birneshe shaǵynaýdanynda elektr qýaty óship qaldy. Jergilikti energetıkalyq keshenniń baspasóz qyzmeti jaryqtyń óshýin MAEK-tegi №1 energııa blogynyń toqtatylýymen baılanystyrǵan edi, dep habarlaıdy QazAqparat tilshisi.

Mańǵystaý atom elektr kombınaty baspasóz qyzmetiniń málimetinshe, búgin, 3 shildede jergilikti ýaqytpen saǵat saǵat 17.31-de №1 energııa blogynyń jumysy toqtatylǵan. Buǵan TES-te qazandyqqa kelip turǵan toqtyń kúrt ósýi sebep bolǵan.

«Mańǵystaý oblysynyń tutynýshylary úshin toqqa esh shekteý joq. №1 energııa blogynda salqyndaǵan soń, 5 shildede saǵat 00:00-den keıin jóndeý bastalady. Salqyndatý bir táýlikten astam ýaqytta júrgiziledi. Osyǵan baılanysty №1 energııa blogynda 6 shildede saǵat 00:00-ge deıin shuǵyl jóndeý júrgizýge ótinim berildi», -dep habarlady MAEK baspasóz qyzmeti.

Eske sala ketelik, buǵan deıin Atyraýda birneshe shaǵynaýdanda jaryq sónip qalǵanyn jazǵan bolatynbyz.

Sondaı-aq, elektr qýatynyń joqtyǵynan Atyraý munaı óńdeý zaýyty jumysyn toqtatqanyn habarlap edik.

Zaýyttyń qoǵammen baılanys tobynyń málimetinshe, elektr jelisindegi aqaýdyń saldarynan qondyrǵylardyń jumysy apattyq jaǵdaıda toqtatylǵan.

«Atyraý munaı óńdeý zaýyty búgin, 3 shilde kúni jergilikti ýaqytpen saǵat 17:25-te jumysyn toqtatty. Buǵan «KEGOC» AQ tarapynan elektr energııasynyń óshirilýi sebep boldy. Tehnologııalyq reglamentke sáıkes apatty jaǵdaıdyń aldyn alý maqsatynda elektr energııasynyń syrtqy jelilerin tolyq qalpyna keltirgenge deıin zaýyttyń otyn jelisi fakelge jiberildi», - dep málim etti zaýyttyń qoǵammen baılanys bóliminen.

Keıin atyraýlyqtardyń nelikten jaryqsyz qalǵanynyń sebebi sebebi aıtyldy.

Al, erteń Atyraýdyń 25 kóshesinde kúni boıy elektr qýaty bolmaıdy.