«Mańǵystaýmunaıgaz» AQ-ǵa 32 mlrd aıyppul salyndy

<p>AQTAÝ. KAZINFORM &mdash; Mańǵystaý oblysynyń prokýratýrasy &laquo;Mańǵystaýmunaıgaz&raquo; AQ-nyń qyzmetinde aǵyndy sýlardy jer qoınaýyna jiberý, sondaı-aq tıisti shekteý ornatpaı burǵylaý qaldyqtaryn jınaqtaýmen baılanysty óreskel zań buzýshylyqtar anyqtady.</p>

Prokýrorlar qoldanylǵan sharalardyń nátıjesinde, sottyń 04.12.2024 jylǵy qaýlysymen kompanııa Ákimshilik quqyq buzýshylyq týraly kodekstiń 328-babymen ákimshilik jaýaptylyqqa tartylyp, 31 mlrd teńge kóleminde aıyppul salyndy.

Oblys prokýratýrasy sot aktisi zańdy kúshine engenin málimdedi.

Sondaı-aq, munaı jylytý peshterinen qorshaǵan ortaǵa lastaýshy zattardyń shamadan tys shyǵarylý faktisi de anyqtaldy.

Atalǵan fakt boıynsha 11.12.2024 jyly kompanııa qosymsha ákimshilik jaýaptylyqqa tartylyp, 1,2 mlrd teńge aıyppul salyndy.

Buǵan deıin Mańǵystaý oblysyndaǵy kolledj býhgalteri 243 mln teńge jymqyrǵanyn jazǵan bolatynbyz.