Mańǵystaýlyqtar Qulsary turǵyndaryna 3 tonna gýmanıtarlyq kómek jóneltti
Búgin Aqtaýdaǵy «Dostyq» úıinde Qazaqstan halyq assambleıasynyń ókilderi 3,5 myń tonna qajetti zattardy 500 shaqyrym jerdegi Beıneýge joldady.
«Qazir kóptegen óńirde sý tasqyny júrip, adamdar zardap shegip jatyr. Osyny estip, kórip otyrǵan Mańǵystaý halqy da únsiz qalmady. Qor qurylyp, qarajat jınalyp jatyr. Óńirimizdiń ár azamaty zardap shegip jatqan aǵaıynǵa qadarı-hálinshe kómek kórsetýde. Bul jerde negizinen azyq-túlikter men tósek jabdyqtary bar. Sebebi, Qulsary qalasyn sý alýyna baılanysty qala halqynyń basym bóligi Beıneýge evakýatsııalandy. Bul kómek sý tasqynynan zardap shekken Atyraý halqy úshin jınaldy. Ary qaraı da bul ıgilikti is jalǵasyn tabady», - dedi MO Qazaqstan Halqy Assambleıa úıi janyndaǵy Aqsaqaldar keńesiniń tóraǵasy Ońaıbek Ábdilov.
Sonymen qatar Mańǵystaý oblystyq máslıhatynyń depýtaty, oblys ákiminiń Qazaqstan halqy Assambleıasy máseleleri jónindegi orynbasary Irına Belıaeva tótenshe jaǵdaı aıaqtalǵansha tıisti kómek kórsetý sharalary jalǵasatynyn jetkizdi.
«Qazir Qulsary qalasynan Beıneýge 8 myńnan astam adam evakýatsııalandy. Keı aýdandarda úıler tolyǵymen sý astynda qaldy. Sondyqtan adamdar kómekke muqtaj. 1 sáýir kúni birinshi gýmanıtarlyq kómek jiberildi. Búgin ekinshi aýyr júk kóligi attanyp bara jatyr. Osy oraıda Mańǵystaý turǵyndaryna alǵysymdy bildirgim keledi. Bul aktsııa «Júrekten júrekke» dep atalady», - dedi Irına Belıaeva.
Búgin tańerteń Qulsarydan Beıneýge barar jolda sý tasqynynan evakýatsııalanǵan júkti kelinshek sábıli boldy.
Beıneý aýdanyna Mańǵystaý oblystyq aýrýhanasynyń dárigerleri medıtsınıalyq kómek kórsetýge arnaıy bardy.
Sondaı-aq Beıneý aýdanynda Qulsarydan kelgen 2,5 myń adam ornalasyp úlgerdi. Aqtaý qalasynda da sýdan zardap shekken Qulsary turǵyndary úshin evakýatsııalyq pýnkt ashyldy.
Sonymen qatar Mańǵystaýda azyq-túlik qory jetkilikti ekenin resmı oryndar málimdedi.
Sý basý kezinde Qulsarydaǵy aýrýhanadan 77 naýqasty Mańǵystaý oblysyna jetkizdi.