Mańǵystaýlyq jigittiń Shymkentte qyz alyp qashqan sáti vıdeoǵa túsip qalǵan

<p>ShYMKENT. KAZINFORM - Úılenbekshi bolǵan er adam qamaýǵa alynyp, tergeý áreketteri júrgizilip jatyr.&nbsp;</p>

Shymkent polıtsııasy áleýmettik jelide qyz alyp qashqan jigittiń vıdeosyn jarııalady. Onda jigit boıjetkendi kóterip alyp, ony kóliktiń ishine kirgizgen. Sodan soń belgisiz baǵytqa qaraı júrip ketken. 

Polıtsııa oqıǵa týraly habar alysymen jedel-izdestirý sharalaryna kiristi. Toyota Alphard kóligin ustaýǵa Turan aýdandyq polıtsııa basqarmasynyń jedel ýákilderi jumyldyrylyp, kórshi óńirlerge baǵyttama jiberildi. Qabyldanǵan sharalardyń nátıjesinde avtokólik jarty táýlik ishinde Almaty-Samara tas jolyndaǵy Jalaǵash aýylynyń mańynda ustaldy. Er adam qamaýǵa alynyp, tergeý áreketteri júrgizilýde.

«Jastar áleýmettik jelide tanysqan. Birneshe aı boıy ǵalamtor arqyly sóılesken. Sodan Mańǵystaý oblysynyń 22 jastaǵy turǵyny úılenýge sheshim qabyldaıdy. Jas jigit Shymkentke kelip, qyzdyń dıplomaldy praktıkadan ótip jatqan medıtsınalyq mekemesine barǵan. Anyqtama bıýrosyna «jetkizýshi» ekenin aıtyp, boıjetkenge syrtqa shyǵýyn ótingen. Qyz dalaǵa shyqqan boıda ony kúshtep kólikke otyrǵyzyp áketken», - delingen Shymkent qalasy polıtsııa departamentiniń baspasóz qyzmeti tartaqan aqparatta. 

Aıta keteıik, budan aldyn Shymkentte qalyńdyqty urlaý boıynsha sotqa deıingi tergep-tekserý bastalǵanyn jazǵan bolatynbyz.