Mańǵystaýlyq turǵynnan bekire balyǵy men ýyldyryq tárkilendi

<p>AQTAÝ. KAZINFORM &ndash; Mańǵystaýlyq polıtseıler bekire men ýyldyryqtyń zańsyz aınalymyn anyqtady. Olar prokýratýranyń úılestirýimen ótken jedel-izdestirý sharasy barysynda jergilikti turǵyndardy ustaǵan.</p>

Tintý jumystaryn júrgizý kezinde kúdiktilerdiń birinen salmaǵy 88 keli jıyrma dana bekire tuqymdas balyǵy tárkilendi. Al ekinshi turǵynnan qara tústi balyq ýyldyryǵyna uqsas zat tabylǵan. Tárkilengen zattyń salmaǵy 860 grammdy quraıdy.

Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý deregi boıynsha sotqa deıingi tergep-tekserý bastalǵan. 

Buǵan deıin, Atyraý oblysynda brakonerlerden bir aıda 300 keliden asa bekire tárkilengeni týraly jazǵan bolatynbyz.