AQTAÝ. KAZINFORM – Mańǵystaýlyq feldsherler Kúnsııa Beknazarova men Kamıla Keýlimjaeva aıaǵy aýyr áıeldi kólikte bosandyryp, ana men balany aman alyp qaldy. Munaıly aýdany Batyr aýylynyń turǵyny júktiliktiń 37 aptasynda jedel járdem shaqyrǵan. Alaıda perzenthanaǵa jetpeı jolda bosandy.
«Júktiligi 37-apta bolǵan áıeldi jedel járdem kóligimen Batyr aýylynan Aqtaý qalasyndaǵy oblystyq perzenthanaǵa apara jatqanbyz. Jolda kenetten áıeldiń tolǵaǵy jıilep, kólikte bosandyrýǵa týra keldi. Sábıdiń aman-esen dúnıege kelýine kómektestik. Mundaı jaǵdaıda der kezinde ana men sábıdiń amandyǵy úshin kúsh salamyz. Sebebi ár mınýt mańyzdy», - deıdi Munaıly aýdany jedel járdem bólimshesiniń feldsheri Kúnsııa Beknazarova.
Foto: Qoǵamdyq kommýnıkatsııa ortalyǵyFeldsherler jańa týǵan náresteniń kindigin kesip, Mańǵystaý oblystyq «Ana men bala» ortalyǵyna jetkizgen. Búginde jas bosanǵan ana da, sábı de mamandardyń baqylaýynda. Jaǵdaıy jaqsy. Náresteniń salmaǵy – 3 keli 200 gramm, boıy – 52 santımetr.
Foto: Qoǵamdyq kommýnıkatsııa ortalyǵyBuǵan deıin Almatylyq júkti áıeldiń patrýldik kólikte bosanǵanyn jazǵan edik.
Aıagóz Іzbasarova
Іzbasarova Aıagóz Oralbaıqyzy televızııa salasynda 2003 jyldan beri jumys isteıdi. Eńbek jolyn «Qazaqstan» RTRK» AQ Mańǵystaý oblystyq fılıaly «Qazaqstan-Aqtaý» telearnasynda júrgizýshi-redaktorlyqtan bastap, redaktor, shef-redaktor qyzmetterin atqardy. Sońǵy 7 jyldan beri «Qazaqstan» Ulttyq arnasynyń Mańǵystaýdaǵy menshikti tilshisi. Aqparat salasynyń úzdigi. Kazinform halyqaralyq aqparat agenttiginde 2024 jylǵy mamyrdan bastap qyzmet etedi.