Mańǵystaýlyq dárigerler Beıneý aýdanyna medıtsınalyq kómek kórsetýge attandy

<p>AQTAÝ. KAZINFORM &ndash; Beıneý aýdanyna Mańǵystaý oblystyq aýrýhanasynyń dárigerleri medıtsınıalyq kómek kórsetýge arnaıy bardy.</p>

Olar sý tasqyny saldarynan evakýatsııalanǵan Atyraý oblysynyń turǵyndaryna qajetti medıtsınalyq kómek kórsetedi.

Foto: Mańǵystaý oblystyq qoǵamdyq kommýnıkatsııa ortalyǵy

 

Qoǵamdyq kommýnıkatsııa ortalyǵynyń málimetinshe, dárigerler qatarynda tramvtolog, terapevt, endokrınolog, ýrolog, hırýrg mamandary bar. Sý tasqynynan zardap shekkender nevropatolog, reanımatolog jáne psıhologtyń kómegine júgine alady.

Aýdandaǵy jaǵdaı týraly Beıneý aýdandyq ortalyq aýrýhanasynyń bas dárigeri Berik Abdýllaevtyń aıtýynsha, medıtsınalyq mekeme 140 tósek-orynǵa eseptelgen. Biraq jaǵdaıǵa baılanysty olardyń sany 300 birlikke deıin kóbeıtilmek.

"Jaǵdaıǵa baılanysty qosymsha tósek-oryn qarastyrylǵan jáne Boranqul aýyldyq aýrýhanasynda da 30 tósek-oryn bar. Olardyń sany 100 tósekke deıin artatyn bolady. Beıneý aýdandyq aýrýhanasynyń shtat sany 122 adamdy qurasa, Boranqul aýylynda - 8 adamdy quraıdy", - dedi Berik Abdýllaev.

Sondaı-aq, dáriger eki aýrýhana da dári-dármektiń qajetti kólemimen qamtamasyz etilgenin, medıtsınalyq preparattardyń tapshylyǵy baıqalmaıtynyn aıtty.

Osyǵan deıin Mańǵystaýda Atyraý oblysyndaǵy sý tasqynynan keıin jedel jeli qosyldy. 

Sondaı-aq, Sý basqan Qulsarydaǵy aýrýhanadan 77 naýqasty Mańǵystaý oblysyna aparatyny málim boldy.