Mańǵystaýlyq álem chempıony jeńisi úshin syıǵa alǵan 1 mıllıon teńgeni balalar úıine berdi

<p>AQTAÝ. KAZINFORM &ndash; Ámbabap jekpe-jekten álem chempıony bolǵan Nursultan Jubatqan jeńisi úshin alǵan syıaqysyn balalar úıine qaıyrymdylyqqa jumsady. Ol bul isi arqyly balalarǵa qýanysh syılaǵysy kelgen.&nbsp;</p>

– Bul qarajat balalardyń jaqsy bilim alýyna, densaýlyqtaryn jaqsartýǵa jáne bolashaqta óz ornyn tabýlaryna kómek bolady degen senimdemin. Álem chempıonatynda jeńiske jetkenimde, qýanyshymdy osy balalarmen bólisge nıet ettim. Balalardyń júzderinen kúlki men qýanyshty kórý – men úshin úlken baqyt. Sporttyń kúsh-jigerdi arttyrýmen qatar, meıirimdilikti nasıhattaıtynyn kórsetkim keledi. Osy arqyly biz ózimizdiń qoǵam aldyndaǵy jaýapkershiligimizdi sezinip, bolashaq urpaqqa úlgi bolýǵa tyrysamyz. Sondyqtan meniń bul isim balalarǵa shabyt berip, armandaryna jetýine septigin tıgizedi dep senemin, - deıdi sportshy.

Mańǵystaý oblystyq mamandandyrylǵan balalar úıiniń basshysy Sárý Ermuhanovanyń aıtýynsha, balalarǵa buryn-sońdy mundaı syılyq berilmegen. 

– Bizdiń óńirden osyndaı chempıon shyqqanyna qýanyshtymyz. Nursultan Jubatqandy balalarmen tanystyryp, úmit otyn syıladyq. Balalar jigerlenip, sportshy aǵasyndaı el namysyn qorǵaýǵa nıet bildirdi. Chempıonnyń ata-anasyna, jattyqtyrýshysyna alǵys aıtamyn, - deıdi balalar úıiniń basshysy.

Buǵan deıin, Mańǵystaýda «Kaspıı» fýtbol klýbynda oqý-jattyǵý jıyndaryna bólingen 27 mln teńgeden astam qarajattyń jymqyrylǵany týraly jazǵan bolatynbyz.