Mańǵystaýǵa kóshirilgen 27 myń atyraýlyqtyń úshten biri úıine qaıtty

<p>AQTAÝ. KAZINFORM - Sý tasqyny bastalǵannan beri Mańǵystaýǵa 27 myńnan asa adam evakýatsııalandy. Qazir 9 myńǵa jýyq adam úıine qaıtqan. Evakýatsııa pýnktinde 1600 adam bar. Bul týraly Nurlan Noǵaevtyń qoǵamdyq shtab ókilderimen kezdesýi kezinde belgili boldy, dep habarlaıdy Mańǵystaý oblysy ákimdiginiń baspasóz qyzmeti.&nbsp;</p>

Mańǵystaýda qoǵamdyq shtab quryldy.

Onyń qyzmeti Atyraý oblysynan kelgen evakýatsııalanǵan halyq arasynda kommýnıkatsııalyq jáne aqparattyq jumysqa baǵyttalǵan.

Shtab músheleri evakopýnkterge baryp, zardap shekkendermen kezdesedi, azamattarǵa psıhologııalyq jáne aqparattyq qoldaý kórsetedi.

Nurlan Noǵaev sý tasqyny bastalǵannan beri bizdiń óńirge 27 myńnan astam adam evakýatsııalanǵanyn aıtty.

«Qazir 9 myńǵa jýyq adam týǵan ólkesine oraldy. Evakýatsııa pýnkterinde 1600 adam bar, ózgeleri týystarynyń kómegine júgindi. Aıta ketý kerek, Mańǵystaý oblysynan sý tasqynynan zardap shekken óńirlerge 90 tehnıka, sondaı-aq 170 áskerı qyzmetshi jiberildi», — dedi Nurlan Noǵaev.

Óńir basshysy qoǵamdyq shtab múshelerine alǵys aıtyp, olardyń memlekettik organdar men Atyraý oblysynan kelgen halyq arasyndaǵy ózara is-qımyldy uıymdastyrýǵa qosqan eleýli úlesin atap ótti.

«Men volonterler men evakýatsııa pýnkteriniń jumysyn uıymdastyrýda qosqan zor úlesińizge rızashylyǵymdy bildirgim keledi. Búginde qoǵamdyq shtab ózara is-qımyldyń mańyzdy ortalyǵyna aınaldy. Evakýatsııaǵa jáne gýmanıtarlyq kómekti uıymdastyrýǵa baılanysty qazir jumys ýaqytsha qıyndyq. Qoǵamdyq shtab bolashaqta da óz qyzmetin jalǵastyrady dep senemin», — dedi Nurlan Noǵaev.