Mańǵystaýdyń jergilikti taýar óndirýshileri qoldaý sharalarymen qamtylady

<p>ASTANA. KAZINFORM — Mańǵystaýdaǵy iri munaı kompanııalary jergilikti taýar óndirýshilerdi qoldaýǵa kelisti, dep habarlaıdy Mańǵystaý oblysy ákimdiginiń baspasóz qyzmeti.</p>

Mańǵystaý oblysynyń ákimi Nurdáýlet Qılybaı iri munaı kompanııalarymen jergilikti taýar óndirýshilerdi qoldaý boıynsha ózara yntymaqtastyq týraly memorandýmǵa qol qoıdy.

Kelisimshart Mańǵystaýda óndiriletin mal sharýashylyǵy, kókónister ósirý isin damytý boıynsha belsendi jumys júrgizýdi kózdeıdi. Maqsat — jergilikti taýar óndirýshilerdi qoldaý jáne daıyn aýyl sharýashylyǵy ónimderin ótkizýge kómektesý.

Jergilikti taýar óndirýshilerdi qoldaýǵa baǵyttalǵan qujatty ekinshi jaqtan «QazMunaıGaz» UK AQ basqarma tóraǵasynyń birinshi orynbasary, «QazMunaıGaz» UK AQ Aqtaý qalasyndaǵy ókildiginiń dırektory Qurmanǵazy Esqazıev, «Mańǵystaýmunaıgaz» AQ bas dırektory Murat Mustafaev jáne «Qarajanbasmunaı» AQ bas dırektorynyń orynbasary Rınat Qarajanov bekitti. Úsh kompanııada jumys isteıtin 37 myńnan asa adam aldaǵy ýaqytta Mańǵystaýda óndiriletin mal sharýashylyǵy ónimderi men kókónisterdi jergilikti sharýalardan satyp alatyn bolady.

«Іri kompanııalardy óńirimizdiń damýyna, órkendep, ósýine yqpal etýge shaqyramyn. Otandyq ónimdi satyp alý úshin ereje ózgertý qajet bolsa ózgerteıik. Kelisim eki jaqqa da tıimdi bolady dep senemin. Bizdiń taýar óndirýshiler úshin turaqty túrdeı ónimderin ótkizip otyrý óte mańyzdy, al kompanııa qyzmetkerlerine sapaly jergilikti ónim qoljetimdi bolady», — dedi oblys ákimi Nurdáýlet Qılybaı.

Buǵan deıin mańǵystaýlyq sharýalar mal azyǵyna sýbsıdııa surap otyrǵany anyqtaldy.