AQTAÝ. KAZINFORM — Bolashaq temirjol stantsııasynyń mańynda, shekaraǵa jaqyn jerde ushqyshsyz ushý apparatyna uqsas belgisiz zat tabylǵan. Bul týraly quzyrly organǵa turǵyndar habarlaǵan.
Mańǵystaý oblystyq polıtsııa departamentiniń málimetinshe, dron eldi mekenderden alys, adam turmaıtyn aýmaqtan tabyldy.
— Oqıǵa ornynda polıtsııa qyzmetkerleri men ýákiletti organdar tekserý jumystaryn júrgizip jatyr. Tabylǵan zattyń naqty qandaı qurylǵy ekeni jáne onyń qaıdan kelgeni ázirge belgisiz. Japa shekkender joq, materıaldyq zalal tirkelmedi, — delingen habarlamada.
Qazir oqıǵanyń barlyq mán-jaıy anyqtalý ústinde.
Buǵan deıin, Kaspıı teńizinde Qazaqstan men Ázerbaıjannyń áskerı teńizshileriniń oqý-jattyǵýy ótip jatqanyn jazǵan bolatynbyz.
Aıagóz Іzbasarova
Іzbasarova Aıagóz Oralbaıqyzy televızııa salasynda 2003 jyldan beri jumys isteıdi. Eńbek jolyn «Qazaqstan» RTRK» AQ Mańǵystaý oblystyq fılıaly «Qazaqstan-Aqtaý» telearnasynda júrgizýshi-redaktorlyqtan bastap, redaktor, shef-redaktor qyzmetterin atqardy. Sońǵy 7 jyldan beri «Qazaqstan» Ulttyq arnasynyń Mańǵystaýdaǵy menshikti tilshisi. Aqparat salasynyń úzdigi. Kazinform halyqaralyq aqparat agenttiginde 2024 jylǵy mamyrdan bastap qyzmet etedi.