Mańǵystaýdaǵy Jarmysh aýylynyń turǵyndary 7 jyl kútken aýyz sýǵa qol jetkizdi

<p>AQTAÝ. KAZINFORM &ndash; Mańǵystaýdaǵy Jarmysh aýylynda aýyz sý máselesi tolyqtaı sheshimin taýyp, turǵyndar qýanyshqa keneldi.&nbsp;</p>

Aýylǵa sý qubyryn tartý jobasy boıynsha jumystar 2006 jyly bastalǵan bolatyn. Alaıda, sanaýly úıge sý bergennen keıin, túrli sebeppen bul joba toqtap qalǵan. Keıin jobaǵa san márte ózgertýler men túzetýler engizilip, merdiger mekemelerdiń aýysýynan atalǵan jumystar birneshe jylǵa sozylǵan. Araǵa 11 jyl salyp, 2017 jyly sý qubyryn júrgizý máselesi qaıta jandandy.

Foto: Mańǵystaý oblysy ákiminiń baspasóz qyzmeti

Bıyl qurylys jumystary tolyq aıaqtalyp, 340 otbasy turatyn Jarmysh aýylyna aýyz sý jetkizildi. 

– Úıimizge sý kelip, qýanyp jatyrmyz. Kóp jyldan beri sýdy qudyqtan tasyp, iship otyrdyq. Endi mine, qubyrmen úıge tikeleı sý kelip tur. Jobaǵa atsalysyp, kómektesken barsha janǵa alǵys aıtamyz, - dedi aýyl turǵyny Balsulý Jańaeva. 

Buǵan deıin, Mańǵystaýda Qyzyl kitapqa engen jabaıy ań-qustardyń jylyna 15-20% kóbeıip jatqany týraly jazǵan bolatynbyz.