Mańǵystaýda jol apatynan 6 ózbekstandyq azamat mert boldy

<p>AQTAÝ. KAZINFORM &ndash; Qaıǵyly oqıǵa 16 qazan kúni tańǵy saǵat 07:30 da Beıneý-Tájen tas jolynda bolǵan. Mańǵystaý oblystyq polıtsııa departamentiniń málimetinshe, &laquo;Jac&raquo; avtokóligi joldyń shetinde turǵan "MAN" júk kóligine soǵysqan. Júk kóligi shekaradan ótý úshin kezek kútip, jol jıeginde turǵan.&nbsp;</p>

- Kólikte barlyǵy 10 adam boldy. Onyń tórteýi Beıneý ortalyq aýdandyq aýrýhanasyna jatqyzyldy. Zardap shekkenderdiń jaǵdaıy ortasha aýyr. Naýqastarǵa qajetti em-dom tolyq kólemde kórsetilýde. Jol-kólik oqıǵasynyń saldarynan 6 adam qaza tapty, - dep habarlady oblystyq polıtsııa departamentiniń baspasóz qyzmeti. 

Sondaı-aq, jol kólik oqıǵasyna qatysty kólikterdiń Ózbekstan Respýblıkasynda tirkelgendigi anyqtaldy. Jábirlenýshiler men qaza tapqandar Reseı Federatsııasynan bara jatqan Ózbekstan azamattary bolyp shyqty. Atalǵan derek boıynsha sotqa deıingi tergeý bastalyp, Ózbekstannyń Aqtaýdaǵy bas konsýldyǵyna habar berilgen. 

Aıta keteıik, buǵan deıin Aqtóbede 5 adamnyń ómirin qıǵan jol apatyna kináli júrgizýshige sot úkimi shyqqanyn jazǵan edik.