Mańǵystaýda jastarǵa arnalǵan jańa turǵyn úı baǵdarlamasy iske qosylady

<p>Mańǵystaýda &laquo;Mańǵystaý jastary&raquo; turǵyn úı baǵdarlamasy iske qosylady. Endi óńir jastary bastapqy jarnasy 10%-dy quraıtyn, al jyldyq tólemi 5% mólsherlememen turǵyn úı satyp ala alady, dep habarlaıdy Kazinform.</p>

Baǵdarlamanyń erejesin jasaqtaý barysynda arnaıy jumys toby qurylǵan. Jumys toby turǵyn úı baǵdarlamasynyń ashyqtyǵyn jáne jastar arasyndaǵy qoljetimdiligin arttyrýdy qadaǵalaıdy.

- Biz jumys tobymen birlesip, elimizde júzege asyrylyp jatqan jastarǵa arnalǵan memlekettik baǵdarlamalardyń osy kúnge deıingi kemshilikteri men artyqshylyqtaryn saraladyq. Sáıkesinshe óńirdegi jastardyń suranysyna oraı meıilinshe qoljetimdi baǵdarlama jasaýǵa tyrystyq. Ereje bekitilip, tıisti jumys toby maquldady. Endigi kezekte arnaıy Mańǵystaý jastary resmı saıtynda qujat qabyldaý protsesi bastalmaq. Saıttyń aty qosymsha habarlanady,-deıdi Muqash Oralbaı.

Mundaı baǵdarlama Astana, Almaty, Pavlodar, Aqtóbe, Qyzylorda, Almaty, Qaraǵandy, Qostanaı, Jambyl, Abaı, Ulytaý, Jetisý óńirlerinde iske qosylǵan.

- Biz Mańǵystaý jastarynyń bolashaǵyna úlken qadam jasap jatyrmyz. Paıyzdyq mólsherleme óte yńǵaıly, jyldyq ústeme 5 paıyz ǵana. Bastapqy jarna da osy sanat úshin 10 paıyzdy quraıdy. Jastar oblystyń basqa qalalary men aýdandarynda turǵyn úı satyp alatyn bolsa 10 mln teńgege deıin, al Aqtaý qalasynan alǵan jaǵdaıda 15 mln teńgege deıin nesıe ala alady. Bul baǵdarlama jastarǵa birqatar jeńildik týdyrady degen oıdamyn. Ótinimderdi qabyldaý resmı saıtta 15 qarashada bastalady. Aldaǵy ýaqytta qarjylandyrý mólsheri ósedi. Turǵyn úıdi alǵashqy jáne ekinshi naryqta satyp alýǵa bolady,- dedi «Otbasy bank» AQ basqarma tóraǵasynyń orynbasary Nurlan Aqshanov.