AQTAÝ. KAZINFORM – Mańǵystaý oblysynda jazǵy demalys kezinde oqýshylar men stýdentterdiń bos ýaqytyn tıimdi paıdalanyp, olardy eńbekke baýlý maqsatynda «Jasyl el» eńbek jasaǵy quryldy.
Foto: Mańǵystaý oblystyq qoǵamdyq kommýnıkatsııalar ortalyǵyBaǵdarlama aıasynda jastar qorshaǵan ortany abattandyryp, kógaldandyrý jáne tazalyq jumystaryn júrgizedi. Sondaı-aq, sol úshin olarǵa eńbekaqy tólenedi.
Byltyr atalǵan jobany oryndaýǵa 119 mıllıon teńge bólinip, 1 637 jas jumyspen qamtylǵan bolatyn. Al bıyl baǵdarlamany júzege asyrý úshin, jergilikti bıýdjet esebinen 256,8 mıllıon teńge bólindi. Joba aıasynda 2 888 jasty jumyspen qamtý josparlanyp otyr.
Foto: Mańǵystaý oblystyq qoǵamdyq kommýnıkatsııalar ortalyǵyAıta keteıik, jastardyń jalaqysy Qazaqstan Respýblıkasynyń zańnamasyna sáıkes eń tómengi jalaqy - 85 000 teńge kóleminde bolady. Jastar 2 nemese 3 maýsymǵa bólinip jumys isteıdi.
Budan bólek, jastar resýrstyq ortalyqtarynyń uıymdastyrýymen «Jasyl el» jasaǵynyń jastaryna oqytý sharalary, kezdesýler, mádenı jáne sporttyq sharalar uıymdastyrylmaq.
Foto: Mańǵystaý oblystyq qoǵamdyq kommýnıkatsııalar ortalyǵyFoto: Mańǵystaý oblystyq qoǵamdyq kommýnıkatsııalar ortalyǵy
Aıagóz Іzbasarova
Іzbasarova Aıagóz Oralbaıqyzy televızııa salasynda 2003 jyldan beri jumys isteıdi. Eńbek jolyn «Qazaqstan» RTRK» AQ Mańǵystaý oblystyq fılıaly «Qazaqstan-Aqtaý» telearnasynda júrgizýshi-redaktorlyqtan bastap, redaktor, shef-redaktor qyzmetterin atqardy. Sońǵy 7 jyldan beri «Qazaqstan» Ulttyq arnasynyń Mańǵystaýdaǵy menshikti tilshisi. Aqparat salasynyń úzdigi. Kazinform halyqaralyq aqparat agenttiginde 2024 jylǵy mamyrdan bastap qyzmet etedi.