Mańǵystaýda «Jasyl el» eńbek jasaǵy óz jumysyn bastady

<p>AQTAÝ. KAZINFORM &ndash; Mańǵystaý oblysynda jazǵy demalys kezinde oqýshylar men stýdentterdiń bos ýaqytyn tıimdi paıdalanyp, olardy eńbekke baýlý maqsatynda &laquo;Jasyl el&raquo; eńbek jasaǵy quryldy.</p>

Foto: Mańǵystaý oblystyq qoǵamdyq kommýnıkatsııalar ortalyǵy

Baǵdarlama aıasynda jastar qorshaǵan ortany abattandyryp, kógaldandyrý jáne tazalyq jumystaryn júrgizedi. Sondaı-aq, sol úshin olarǵa eńbekaqy tólenedi.

Byltyr atalǵan jobany oryndaýǵa 119 mıllıon teńge bólinip, 1 637 jas jumyspen qamtylǵan bolatyn. Al bıyl baǵdarlamany júzege asyrý úshin, jergilikti bıýdjet esebinen 256,8 mıllıon teńge bólindi. Joba aıasynda 2 888 jasty jumyspen qamtý josparlanyp otyr.

Foto: Mańǵystaý oblystyq qoǵamdyq kommýnıkatsııalar ortalyǵy

Aıta keteıik, jastardyń jalaqysy Qazaqstan Respýblıkasynyń zańnamasyna sáıkes eń tómengi jalaqy - 85 000 teńge kóleminde bolady. Jastar 2 nemese 3 maýsymǵa bólinip jumys isteıdi.

Budan bólek, jastar resýrstyq ortalyqtarynyń uıymdastyrýymen «Jasyl el» jasaǵynyń jastaryna oqytý sharalary, kezdesýler, mádenı jáne sporttyq sharalar uıymdastyrylmaq.

Foto: Mańǵystaý oblystyq qoǵamdyq kommýnıkatsııalar ortalyǵy

Foto: Mańǵystaý oblystyq qoǵamdyq kommýnıkatsııalar ortalyǵy