Mańǵystaýda jalǵan dıplommen jumys istegen 60 muǵalim jumystan bosatyldy

<p>AQTAÝ. KAZINFORM &ndash; Mańǵystaý oblysynyń bilim basqarmasy tarapynan bilim oshaqtarynda jumys istep júrgen &nbsp;qyzmetkerlerdiń dıplomdaryna monıtorıng jumystaryn júrgizildi.&nbsp;</p>

Byltyr jáne bıyl júrgizilgen osy jumystardyń nátıjesinde 60 muǵalimniń jalǵan dıplommen birneshe jyldar boıy jumys istep kelgeni anyqtalǵan. Oblystyq bilim basqarmasynyń habarlaýynsha, olardyń barlyǵy jumystan bosatyldy.

«Oblysta pedagogterdiń dıplomdaryn anyqtaý maqsatynda joǵarǵy oqý oryndaryna jáne tehnıkalyq, kásiptik bilim berý uıymdaryna suranys joldandy. Sonymen qatar muǵalimderdiń jumys kezeńińdegi qarajatty memlekettik bıýdjetke keri qaıtarý úshin sot organdaryna shaǵym joldandy. Bul baǵyttaǵy jumystar jalǵasyp jatyr», - delingen bilim basqarmasy taratqan aqparatta. 

Eske sala keteıik, buǵan deıin Atyraý oblysynda jalǵan dıplommen jumys istegen 80-nen astam muǵalim anyqtalǵan bolatyn.

Al, QR Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti joǵary bilim týraly jalǵan dıplomdarǵa qatysty qandaı jaza qarastyrylǵanyn túsindirdi.