Mańǵystaýda jalǵan aqparat taratqan turǵyn jaýapkershilikke tartyldy

<p>AQTAÝ. KAZINFORM &mdash; Atyraý oblysyndaǵy tótenshe jaǵdaıǵa baılanysty jalǵan aqparat taratqan jańaózendik jaýapkershilikke tartyldy.</p>

Elimizdiń birqatar óńirinde sý tasqyny saldarynan óte kúrdeli jaǵdaı oryn alýda. Osyǵan oraı «Jańaózende jol jabyldy» dep alańdaýshylyq sıpatta jalǵan aqparatty áleýmettik jeli arqyly taratyp jibergen.

Foto: Mańǵystaý oblystyq qoǵamdyq kommýnıkatsııa ortalyǵy

 

Mańǵystaý oblystyq qoǵamdyq kommýnıkatsııa ortalyǵynyń habarlaýynsha, Jańaózen polıtseıleri kúdiktini birden anyqtady. QR ákimshilik quqyq buzýshylyq týraly kodeksiniń 456 babynyń 3 bóligine saı ákimshilik jaýapkershilikke tartyp otyr.

«Qandaı da bir jalǵan aqparat taratqandar QR QK 274 baby boıynsha qylmystyq jaýapkershilikke tartylatynyn eskertemiz. Azamattardan tek resmı aqparat kózderine senýdi suraımyz», — deıdi Jańaózen polıtsııasy.

Esterińizge sala keteıik, sý tasqyny saldarynan Atyraý oblysynan Mańǵystaýǵa qazirgi ýaqytta 16 myńnan astam adam evakýatsııalandy.

Sonymen qosa, tańerteń Qulsarydan Beıneýge barar jolda sý tasqynynan evakýatsııalanǵan júkti kelinshek sábıli boldy.