Mańǵystaýda «West Oil Software» júrgizýshileriniń ereýiline qatysty PD pikir bildirdi
Sońǵy kúnderi BAQ betterindegi ereýilde bolyp, keıin jumysqa qaıta oralǵan seriktestik júrgizýshisiniń suhbatyna oraı polıtseıler tıisti sharalar qabyldaıtynyn jetkizgen.
«Áleýmettik jelilerde Mańǵystaý oblysyndaǵy birqatar kásiporyndardyń qyzmetkerlerin aldaý jáne zorlyq-zombylyq qaýpimen ereýilderge qatysýdy jalǵastyrýǵa májbúrleý týraly aqparat taratylýda. Atap aıtqanda, mundaı jaǵdaı „West Oil Software“ JShS ujymynda oryn alýda, sot qyzmetkerlerdiń ereýili zańsyz dep tanydy. Jalpy sany 100-den astam adamǵa jetken «West Oil Software» JShS-niń jekelegen jumysshylary zańsyz ereýilge qatysýdan bas tartyp, ózderiniń eńbek mindetterine kiristi. Alaıda, olar ereýil belsendileriniń tarapynan qysym kórýde. Mundaı áreketterge jol berilmeıdi. Atalǵan derek boıynsha egjeı-tegjeıli tekserý júrgiziledi», - dep jazylǵan Mańǵystaý oblystyq PD taratqan habarlamada.
Sonymen birge, departament ereýilge qatysýǵa shaqyrý boıynsha tıisti tergeý amaldaryn bastaǵanyn málimdedi.
«Búgingi tańda oblystyq polıtsııa departamenti zańsyz ereýilge qatysýdy jalǵastyrýǵa shaqyrý faktileri boıynsha QK-niń 402-baby 2-bóligi boıynsha sotqa deıingi tergeý amaldaryn júrgizýde.
Olarǵa qatysy bar adamdardyń kórsetilgen quqyqqa qaıshy áreketterine quqyqtyq baǵa osy qylmystyq isti sotqa deıingi tergep-tekserý sheńberinde beriletin bolady. Azamattardy zorlyq-zombylyq, qysym jáne aldaý qaýpi faktileri boıynsha ishki ister organdaryna júginýge jáne arandatýshylyqqa berilmeýge shaqyramyz», — dedi oblystyq PD ókilderi.
Mańǵystaý oblysynda 2023 jyldyń 11 jeltoqsanda «West Oil Software» JShS-niń 400-den astam júrgizýshisi talap qoıyp, jumysyn toqtatqan bolatyn. Narazy top ózderin «QazMunaıGaz» UK» quramyna engizý, aılyq tabystaryn QMG eńbekaqy tóleý júıesimen teńestirý, materıaldyq-tehnıkalyq bazany jańartý syndy birqatar usynystaryn alǵa tartqany jarııa boldy. Keıin júzge jýyq jumysshy óz qyzmetigen oralǵan.