Mańǵystaýda vandaldar qıratqan zırat qaıta qalpyna keltirildi

<p>AQTAÝ. KAZINFORM &ndash; Mańǵystaý oblysyndaǵy Qaraqııa aýdanynda vandaldyq áreketterden keıin pravoslavıelik zıratqa qaıta jóndeý jumystary júrgizildi.&nbsp;</p>

Aýdannyń ákimdik qyzmetkerleri shýly oqıǵadan keıin pravoslavıe zıratyndaǵy jaǵdaı boıynsha tıisti sharalardy qolǵa alyp, soǵan qatysty jumystardyń aıaqtalǵanyn málimdedi.

«Beıitte belgisiz adamdar shoıynnan ornatylǵan qorshaýdy kesip tastaǵan. Sondaı-aq ózge de qabirlerdi qorshaǵan sharbaqtardyń urlanyp, kresterdiń ornynan alynǵanyn anyqtadyq. Qabir basyndaǵy qorshaýlar qaıta qalpyna keltirilip, bul jaǵdaı baqylaýǵa alyndy», - dedi Qaraqııa aýdany ákiminiń orynbasary Sanat Tókenov.

Buǵan deıin Mańǵystaýdyń Qyzylsaı aýylynyń mańyndaǵy ózge ult ókilderiniń zıratyn belgisiz adamdardyń qıratyp ketkeni týraly fotosýretter jelide jarııa bolǵan edi. Polıtsııa atalǵan oqıǵadan soń «Vandalızm» baby boıynsha isti tirkeýge aldy. Qazirgi ýaqytta kinálilerdi quqyq qorǵaý organdary izdep jatyr.