Qazaq jýrnalısteri UQK arnaıy polıgonynda kúsh-jigerin synap kórdi

<p>AQTAÝ. KAZINFORM &mdash; Ulttyq qaýipsizdik komıteti uıymdastyrǵan sharaǵa telearnalar men aqparattyq saıt jýrnalısteri qatysýda. Baspasóz týry buqaralyq aqparat quraldary qyzmetkerleriniń kásibı merekesi qarsańynda ótip jatyr.</p>

Foto: UQK baspasóz qyzmeti

Jýrnalıster baspasóz týrynyń birinshi kúni Ulttyq qaýipsizdik komıtetiniń Mańǵystaý oblysy boıynsha shekara qyzmeti departamentiniń jaǵalaý kúzeti birinshi dıvızıonynyń jumysymen tanysty.

Sodan soń arnaıy maqsattaǵy qyzmettiń oqý-jattyǵý polıgonyna bardy. 

Foto: UQK baspasóz qyzmeti

Ulttyq qaýipsizdik komıteti baspasóz qyzmeti bastyǵynyń orynbasary Aıgúl Aınabekovanyń aıtýynsha, Mańǵystaýda baspasóz týry alǵash ret ótkizilip jatyr.

Buǵan deıin Astana men Túrkistan oblysynda uıymdastyrylǵan. 

Foto: UQK baspasóz qyzmeti

— Komıtet buqaralyq aqparat quraldarymen tyǵyz qarym-qatynas jasaý úshin bolashaqta barlyq óńirde osyndaı is-sharalardy ótkizýdi josparlap otyr. Baspasóz týry aıasynda jýrnalısterge terrorlyq shabýyl men daǵdarys jaıly aqparat jarııalaýdyń erekshelikteri aıtyldy, — deıdi Aıgúl Aınabekova.

Foto: UQK baspasóz qyzmeti

BAQ ókilderine arnaıy maqsattaǵy qyzmettiń oqý-jattyǵý polıgonynda UQK-niń arnaýly bólimsheleriniń qarýmen jabdyqtalýy, zamanaýı qarý-jaraqtary kórsetildi.

Odan keıin barokamerada 10 metr tereńdikke deıin qurǵaq súńgý uıymdastyrylyp, ártúrli qarý túrlerinen praktıkalyq atys boldy.

Foto: UQK baspasóz qyzmeti

Al, jaǵalaý kúzetiniń birinshi dıvızıonynda teńiz shekarashylary kemede órt kezinde júrgiziletin oqý-jattyǵýlaryn kórsetti.

BAQ ókilderi shekaralyq ekıpajdardyń tótenshe jaǵdaılarlarǵa daıyndyǵyna kýá boldy. 

Foto: UQK baspasóz qyzmeti

Foto: UQK baspasóz qyzmeti