Mańǵystaýda turmystyq zorlyqqa ushyraǵan 11 áıel shuǵyl kómek kórsetý ortalyǵyna júgingen

<p>Mańǵystaýda bıyl turmystyq zorlyq-zombylyq qurbandaryna arnalǵan &laquo;Raı&raquo; áleýmettik shuǵyl kómek kórsetý ortalyǵyna 11 áıel jáne 32 bala kómekke júgingen, dep habarlaıdy <a href="Kazinform" target="_blank" rel="noopener">Kazinform</a>.</p>

Áleýmettik shuǵyl kómek kórsetý ortalyǵynyń dırektory Raıhan Bekmanovanyń aıtýynsha, turmystyq zorlyq-zombylyq qurbandaryna arnalǵan úı 15 adamǵa arnalǵan. Sonymen qatar ortalyqqa kelgen árbir áıelge 8 baǵytta kómek kórsetiledi. Atap aıtqanda, áleýmettik qyzmet, quqyq, psıhologııalyq, tárbıelik,pedagogıkalyq, mádenı-demalys saýyqtyrý jáne eńbek terapııasy.

- Turmystyq zorlyq-zombylyqqa dýshar bolǵan árbir áıel ortalyqty 6 aıǵa deıin panalaı alady. Biraq onyń máselelerin sheshý úshin óziniń kelisimi men quqyǵy boıynsha panalaý merzimin anyqtaımyz. Áıel 1 aıǵa nemese bir kúnge kelýi múmkin. Eger ol jyl ortasynda kelse, onda ol jeltoqsan aıyna deıin osynda ómir súre alady. Óıtkeni, biz jyl basynan bastap sanaımyz,-deıdi Raıhan Bekmanova.

Aıta ketsek, turmystyq zorlyq-zombylyqqa dýshar bolǵan analar birden osy nómirge habarlasa alady: + 7 778 559 6463.

Kórsetilgen nómir respýblıka aýmaǵy boıynsha tirkelgen.