Mańǵystaýda tamaqtan ýlanǵan 43 oqýshy aýrýhanadan shyqty

<p>AQTAÝ. KAZINFORM &ndash; Búgingi tańda Kópfýnktsıonaldy oblystyq balalar aýrýhanasynda ınfektsııadan zardap shekken 43 bala jazylyp ketýine baılanysty emin aıaqtap, aýrýhanadan shyǵaryldy. Olardyń bári ambýlatorııalyq baqylaýǵa alynǵan jáne barlyǵynyń jaǵdaıy jaqsy. Bul týraly QR Densaýlyq saqtaý mınıstrliginiń baspasóz qyzmeti málimdedi.&nbsp;</p>

Statsıonarda 53 bala emin jalǵastyrýda, olardyń jaǵdaıy da turaqty, ómirine qaýip tónip turǵan joq.

Aýrý shyqqan kezden bastap (2024 jylǵy 6 qyrkúıekten beri) óńirdiń medıtsınalyq mekemelerine
Mańǵystaý oblysy Munaıly aýdanyndaǵy «№ 8 jalpy bilim berý mektebi» MKK -nyń qyzýy kóterilgen, ishi ótken, loqsyp, álsizdik baıqalǵan 466 oqýshysy qaralǵan bolatyn. Sonyń ishinde 96 bala qajetti medıtsınalyq kómekti alý úshin aýrýhanaǵa jatqyzyldy.

Naýqastarǵa tıisti medıtsınalyq kómek kórsetildi. Sonymen qatar sol jerde naýqastardy emdeýge kómek kórsetý boıynsha Astana medıtsınalyq ýnıversıtetiniń ınfektsıonısteri men gastroenterologtary, QR Densaýlyq saqtaý mınıstrligi shuǵyl medıtsına Ulttyq úılestirý ortalyǵynyń mamandary jumysyn jalǵastyryp jatyr. 

Eske salaıyq, oqýshylardyń jappaı astan ýlaný deregi Mýnaıly aýdanynda tirkeldi. 6 qyrkúıek kúni keshten bastap №8 mekteptiń 21 oqýshysy jedel járdem shaqyrǵan. Balalardyń báriniń ishi aýyryp, dene qyzýy kóterilgen. Bul týraly jazǵan edik. Soǵan baılanysty quzyrly organ ókilderimen birlesken arnaıy shtab qurylyp, qylmystyq is qozǵaldy.