AQTAÝ. KAZINFORM – Mańǵystaý oblysynyń Tótenshe jaǵdaılar departamenti 2026 jylǵy 3 naýryzda saǵat 12:00 shamasynda «Soltústik-Shyǵys Qaraturyn» ken ornynda (jer qoınaýyn paıdalanýshy — «Bozashy Neft» JShS) № 403 uńǵymada «Caspian Drilling LLP» JShS merdigerlik uıym burǵylaý jumystaryn júrgizý kezinde gaz-sý shyǵaryndysy oryn alǵandyǵyn habarlaıdy.
Apat saldarynan órt bolmaǵan jáne zardap shekkender joq.
- Qazirgi ýaqytta qaýipti óndiristik obektini paıdalanýshy uıymnyń kúshimen, «Aq Beren» kásibı avarııalyq-qutqarý qyzmeti jáne Mańǵystaý oblystyq tótenshe jaǵdaılar departamentiniń qyzmetkerleriniń kúshimen apatty joıý úshin daıyndyq jumystary júrgizilip jatyr. Bul oqıǵanyń sebepteri men mán-jaılaryn tergep-tekserý Qazaqstan Respýblıkasynyń «Azamattyq qorǵaý týraly» Zańyna sáıkes júrgiziletin bolady, - delingen habarlamada.
Eske salaıyq, buǵan deıin Ońtústik Qaraturyn ken ornynda tótenshe oqıǵa bolǵan edi.
Mańǵystaý oblysy: Qaraturyn ken ornyndaǵy órt 6 aıdan soń sóndirildi.
Qaraturyndaǵy alty aıǵa sozylǵan órt boıynsha 361 mln teńge aıyppul salyndy.
Aıagóz Іzbasarova
Іzbasarova Aıagóz Oralbaıqyzy televızııa salasynda 2003 jyldan beri jumys isteıdi. Eńbek jolyn «Qazaqstan» RTRK» AQ Mańǵystaý oblystyq fılıaly «Qazaqstan-Aqtaý» telearnasynda júrgizýshi-redaktorlyqtan bastap, redaktor, shef-redaktor qyzmetterin atqardy. Sońǵy 7 jyldan beri «Qazaqstan» Ulttyq arnasynyń Mańǵystaýdaǵy menshikti tilshisi. Aqparat salasynyń úzdigi. Kazinform halyqaralyq aqparat agenttiginde 2024 jylǵy mamyrdan bastap qyzmet etedi.