Mańǵystaýda sheteldik azamat esirtki oralǵan paketti jutyp qoıdy
«Lada Largus» markaly jeńil avtokólikti tekserý kezinde 1991 jyly týǵan Ózbekstan azamatynan jasyl paketke oralǵan zat tabyldy. Alaıda, sheteldik azamat tekserýshilerdiń qolynan paketti julyp alyp, jutyp qoıǵan. Qyzmetkerler kútiktini Beıneý aýdandyq aýrýhanaǵa jetkizip, asqazanyna kompıýterlik tomografııa jasatý arqyly bógde zatty anyqtady.
Sot saraptamalyq qorytyndy boıynsha tárkilengen zat salmaǵy – 1,26 gramm psıhotroptyq metamfetamın gıdrohlorıdi bolyp shyqty. Qylmystyq is qozǵalyp, kúdikti ýaqytsha ustaý ızolıatoryna qamaldy.
Esirtki zattaryn saqtaý faktisi boıynsha sotqa deıingi tergeý amaldary júrgizilýde. Ózge aqparat tergeý múddesi úshin jarııa etilmeıdi.
Buǵan deıin Almatyda esirtkini jarnamalaǵan 2 úndistandyq azamat ustalǵan bolatyn. Al, Jambyl oblysynda 24 keliden astam esirtki tasymaldaǵandar jazalandy.