Mańǵystaýda seısmıkalyq jaǵdaıǵa qatysty jattyǵý sharasy ótedi

<p>AQTAÝ. KAZINFORM &ndash; Mańǵystaýda josparly jalpyoblystyq seısmıkalyq jattyǵýy ótetin boldy. Tótenshe jaǵdaıǵa daıyndyqty pysyqtaý maqsatynda uıymdastyrylatyn keshendi is-shara 23 aqpan kúni tańerteń bastalady.</p>

Óńirdiń TJD tarapy seısmıkalyq jattyǵýdy bastamas buryn arnaıy dabyl chemodanyn daıyndap, qaýipsiz jerge evakýatsııalaý baǵytyn aıqyndap alýdy qaperge salyp otyr. Turǵyndarǵa qaýipsiz aýmaq retinde ǵımarattar jáne qurylys, elektr jelileri men aǵashtardan alshaq turǵan ashyq alań ekeni aldyn ala aıtyldy.

«Seısmıkalyq jattyǵý barysynda «Barshanyń nazaryna» eskertý sıgnalyn estigende sabyr saqtap, daýys zoraıtqyshtardyń sóıleý nusqasyn oryndaý talap etiledi. Oqys oqıǵa kezinde tótenshe jaǵdaılarǵa daıyn bolý - adam ómiri men densaýlyǵyn saqtaýdyń kepili. Sondyqtan seısmıkalyq oqý jattyǵýǵa turǵyndardy belsendi qatysýǵa shaqyramyz», - dedi Mańǵystaý oblystyq TJD-niń ókilderi.

Osydan eki apta ýaqyt buryn Aqtaýda «Kóktem-2024» respýblıkalyq komandalyq-shtabtyq oqý-jattyǵýy ótken bolatyn. Oǵan

250 jeke quram jáne 78 tehnıka jumyldyrylǵan edi. Kóktem mezgilinde kórsetiletin qyzmetterge daıyn qurylymdar qatarynda sý, saýda jáne tamaqtandyrý, radıatsııalyq jáne hımııalyq qorǵaý, habardar etý jáne baılanys, energetıka, janar-jaǵarmaı, aqparat, qoǵamdyq tártipti qorǵaý jáne órt sóndirý qyzmeti daıyndyǵyn pysyqtaǵan.