Mańǵystaýda «Sátti sársenbi» tazalyq aktsııasy bastaldy

<p>AQTAÝ. KAZINFORM &ndash; Búgin Memleket basshysynyń tapsyrmasyna sáıkes Aqtaýdaǵy jaǵajaılardy qoqystan tazartý sharasy uıymdastyryldy. Tańǵy senbilikke oblys ákimi N.Qılybaı, QR ekologııa jáne tabıǵı resýrstar vıtse-mınıstri M.Oshýrbaev pen &laquo;Jasyl el&raquo; eńbek jasaǵy jáne qala turǵyndary qatysty. Bul týraly oblys ákiminiń baspasóz qyzmeti málimdedi.&nbsp;</p>

Qala irgesindegi jaǵajaılar — jazda halyq kóp jınalatyn oryn. Munda kún saıyn 10 myńǵa jýyq adam Kaspııdiń móldir sýyna túsip, demalady. Sáıkesinshe, jaǵalaýda túrli qoqys pen polıetılen, plastık qutylar kóptep kezdesedi.

Foto: Mańǵystaý oblystyq ákimdigi

Jaǵajaılarda senbilik uıymdastyrý bastamasyn óńir turǵyndary qýana qabyldady.

«Tazalyq sharasyna qatysýshylar ala tańnan bastap birneshe shaqyrymǵa sozylyp jatqan teńiz jaǵalaýyn qoqystan tazartyp, júzdegen qapshyqty kúl-qoqysqa toltyrdy. Sonymen qatar jaǵajaılardy abattandyrý jumystary júrgizildi», - delingen habarlamada.

Foto: Mańǵystaý oblystyq ákimdigi

Oblys ákimi Nurdáýlet Igilikuly óńir turǵyndary men jastardy tabıǵatqa beı-jaı qaramaı, tazalyq jumystaryna uıytqy bolýǵa shaqyrdy.

Foto: Mańǵystaý oblystyq ákimdigi

Kaspıı jaǵalaýynda bastaý alǵan aktsııa ár sársenbi saıyn turaqty túrde ótkiziledi. Búgin aqtaýlyq belsendi jastar bul chellendjdi jańaózendikterge joldady. Kelesi sársenbide tazartý jumystary «Kendirli» demalys aımaǵynda jalǵasady.