Mańǵystaýda Prezıdent shyrshasy ótti

<p>Aqtaýda dástúrli prezıdenttik shyrsha ótti. Saltanatty sharaǵa 250 bala shaqyryldy. Olardyń arasynda jetim, ata-anasynyń qamqorlyǵynsyz qalǵan, az qamtylǵan jáne kópbalaly otbasylardan shyqqan, erekshe bilim berý qajettilikteri bar, sondaı-aq oqýda, sportta jáne shyǵarmashylyqta jetistikke jetken daryndy balalar bar, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

Merekelik sharanyń ajyramas bóligi Aıaz Ata, Aqshaqar jáne 2024 jyldyń sımvoly – ulýdyń qatysýymen horeografııalyq qoıylym boldy. Sondaı-aq, án men bı jáne shyrshanyń jańa jyldyq shamdaryn jaǵý rásimi ótti.

Foto: Mańǵystaý oblysy ákiminiń baspasóz qyzmeti

Merekelik qoıylym baǵdarlamasynda sonymen qatar aımaqtyń shyǵarmashylyq ujymdarynyń mýzykalyq shoýy boldy.

Foto: Mańǵystaý oblysy ákiminiń baspasóz qyzmeti

- Jańa jyl - bul bárimizdiń aldaǵy jylǵa degen úmitpen, qýanyshpen jáne úlken senimmen qaraıtyn ýaqyt. Biz osy erekshe sátte birge bolý úshin osynda jınaldyq. Jarqyn qoıylymdar men talantty shyǵarmashylyq nómirler-bizdiń is-sharamyzdy odan da jarqyn etti. Sol úshin barlyqtaryńyzǵa alǵys aıtamyn. Barlyǵyńyzdy kele jatqan Jańa jylmen quttyqtaımyn! Jańa jyl sizderdiń ómirlerińizge kóptegen jarqyn sátter ákelsin, - dep atap ótti Mańǵystaý oblysynyń ákimi Nurlan Noǵaev.

Foto: Mańǵystaý oblysy ákiminiń baspasóz qyzmeti

Aıta keteıik, Mańǵystaý oblysynan bes bala Astanada 29 jeltoqsanǵa josparlanǵan «Jańa jyl Respýblıka tórinde» respýblıkalyq Jańa jyldyq shyrshasyna qatysady.

Foto: Mańǵystaý oblysy ákiminiń baspasóz qyzmeti

Іs-shara sońynda barlyq balalar Qazaqstan Respýblıkasy Prezıdentiniń atynan jańa jyldyq syılyqtar aldy.

Foto: Mańǵystaý oblysy ákiminiń baspasóz qyzmeti