Mańǵystaýda myńǵa jýyq kásipshilik balyq aýlaýshy tirkeldi

<p>AQTAÝ. KAZINFORM &ndash; Mańǵystaý oblysy kásipshilik balyq aýlaý boıynsha aldyńǵy orynǵa shyǵyp otyr. Óńirde kásipshiliktiń bul túrimen maýsymdyq negizde 811, turaqty túrde 75 balyqshy aınalysyp jatyr.</p>

Óńirdiń balyq sharýashylyǵy basqarmasynyń bólim basshysy Abzal Baqytjanuly Kaspıı teńizinen aýlanatyn balyqtar men ózge de sý janýarlardyń kólemine negizdelgenin atap otyr.

Sonymen birge, shabaq balyǵyn aýlaýǵa bólingen kvotanyń kólemi 8 myń tonna bolsa, aldaǵy ýaqytta osy kólemdi 72 myń tonnaǵa deıin kóterý josparlanǵan. Bul Kaspıı teńizi áleýetiniń joǵary ekendigin kórsetedi.

«Balyq sharýashylyǵyn damytýdyń 2021-2030 jyldarǵa arnalǵan baǵdarlamasyna» sáıkes, Mańǵystaý oblysynda 100 myń tonna balyq ósirý kózdelgen. Atalǵan kórsetkishke qol jetkizý úshin, Kaspıı teńizinde tor qorshamada akvaósirý sharýashylyqtaryn ashý qajet. Osy maqsatta, Mańǵystaý oblysynyń teńiz akvatorııasynyń tabıǵı-klımattyq jaǵdaılarynda tor qorshamada taýarly balyq jáne ózge de sý janýarlaryn ósirýge tıimdi ýchaskelerdi anyqtaýǵa ǵylymı-zertteý jumystaryn júrgizý úshin jergilikti bıýdjetten qarjy qarastyryldy. Ǵylymı uıymnyń beretin zertteý jumystarynyń qorytyndysy boıynsha Kaspıı teńiziniń mańǵystaýlyq sektorynan tor qorshamada balyq ósiretin 20 sharýashylyqtyń ýchaskelerin belgileýge múmkindik týady, - dedi Abzal Baqytjanuly.

Qoǵamdyq kommýnıkatsııa ortalyǵynyń málimetinshe, ótken jyly Mańǵystaýda 71,5 tonna balyq ósirilgen. 2021 jylǵa deıin óńirde tek bekire tuqymdas balyq túrleri ósirilip kelse, qazir jaıyn, tsıhlıd, dóńmańdaı, aq amýr jáne tuqy tuqymdas balyqtarǵa den qoıylǵan.

Foto: Mańǵystaý oblystyq qoǵamdyq kommýnıkatsııa ortalyǵy

Óńirdegi balyq sharýashylyǵyna jergilikti bıýdjetten 2022 jyly 10,5 mln teńge, 2023 jyly 20,5 mln teńge jáne 2024 jyly 28,8 mln teńge bólindi. Kásipkerler negizinen balyq azyqtaryn satyp alý jáne balyq ósirý materıalyn satyp alý shyǵystaryn óteý úshin sýbsıdııa alyp otyr.