Mańǵystaýda metan jaǵarmaı qozǵaltqyshtary bar jańa avtobýstar qoldanysqa berildi

<p>Mańǵystaýda Aqtaý jáne Munaıly aýdanynyń baǵyttary boıynsha jolaýshylar tasymaldaıtyn, ekologııalyq taza otyndy paıdalanatyn 30 zamanaýı avtobýs paıdalanýǵa berildi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Metan jaǵarmaı qozǵaltqyshtary bar jańa avtobýstar burynǵy eski kólikterdiń ornyn basady. Bul eski avtobýstardan bólinetin zııandy shyǵaryndylardyń azaıyp, óńirdiń qala, aýdandarynda ekologııalyq turaqtylyqtyń saqtalýyna septigin tıgizbek.

Avtobýstardy otynmen qamtamasyz etý úshin alǵashqy metan gaz quıý stantsııasy paıdalanýǵa berildi. Tehnoprak aýmaǵynda gaz quıý beketinen bólek, avtobýs marshrýttaryn baqylaýǵa jáne qoǵamdyq kóliktegi ishki beınebaqylaý jazbalaryn kórýge múmkindik beretin dıspetcherlik bólme bar. 

Foto: Mańǵystaý oblysy ákimdigi

Aqtaý qalasynyń klımatyna saı jasaqtalǵan jańa avtobýstarda barlyq jaǵdaı qarastyrylǵan. Onda jeldetkish júıesi, jeti beınebaqylaý kamerasy, múmkindigi shekteýli jandarǵa arnalǵan apparella men (pandýs) GPS júıesi bar. Al avtobýstardyń basty artyqshylyǵy – metan jaǵarmaıymen jumys isteıtin qozǵaltqysh. 

Foto: Mańǵystaý oblysy ákimdigi

«Mańǵystaý oblysynda suıytylǵan gazdy tutyný elimiz boıynsha joǵary kórsetkishterge ıe. Al metan otynyn paıdalaný suıytylǵan gazǵa júktemeni azaıtýǵa múmkindik beretinine senimdimin. Bizdiń maqsatymyz – Mańǵystaý oblysynda jolaýshylardy qoǵamdyq kólikpen tasymaldaý boıynsha qaýipsiz, jaıly jáne sapaly qyzmetterdi qamtamasyz etý, avtobýstardy kútý ýaqytyn qysqartý jáne jolaýshylar tasymaly naryǵyna jańa sapaly avtobýstar usyný», - dep atap ótti Mańǵystaý oblysynyń ákimi Nurlan Noǵaev.

Jyl sońyna deıin taǵy osyndaı 90 avtobýs beriledi dep josparlanyp otyr.

Foto: Mańǵystaý oblysy ákimdigi