AQTAÝ. KAZINFORM – Quıyn Qarajanbas ken ornynda saǵat 6 shamasynda kóterilgen. Jel ekpini qatty bolǵany sonsha, 40 tonnalyq konteıner birneshe metrge ushyp ketken. Aýmaǵy 350 sharshy metr órt sóndirý bóliminiń shatyryn ushyryp áketti.
Foto: WhatsApp jelisinenFoto: WhatsApp jelisinenSondaı-aq órt sóndirýshilerdi elektr energııasymen qamtıtyn transformatorlyq qosalqy stantsııany ornynan julyp qulatqan.
Foto: WhatsApp jelisinenFoto: WhatsApp jelisinen«Saǵat 05:58 shamasynda kenetten qatty jel turyp, órt sóndirý bólimi ǵımaratynyń tóbesine zaqym keltirdi. Sondaı-aq órt sóndirý bóliminiń jeke quramyn oqytý úshin paıdalanylatyn gaz-tútinnen qorǵaý qyzmetiniń 40 tonnalyq konteıneri zaqymdandy. Órt sóndirý bólimine elektr qýatyn beretin transformatorlyq qosalqy stantsııa isten shyqty», - dep habarlady munaı kompanııasynyń baspasóz qyzmeti.
Foto: WhatsApp jelisinenFoto: WhatsApp jelisinenKompanııa málimetinshe, oqıǵadan adamdar zardap shekken joq. Ken ornynyń jumysyna da kedergi kelmegen. Qolaısyz kún raıynan bolǵan shyǵyn kólemi eseptelip jatyr.
Foto: WhatsApp jelisinen
Gúlnur Ǵazızqyzy
Ál-Farabı atyndaǵy QazUÝ jýrnalıstıka fakýltetiniń túlegi. Eńbek jolyn «Qazaq ádebıeti», «Saqshy» gazetterinen bastaǵan. «Dala men Qala» respýblıkalyq qoǵamdyq-saıası aptalyǵynda tilshi, jaýapty hatshy bolyp istedi. «Qazaqstan-Aqtaý» telearnasynyń tilshisi, «Qazaqstan» Ulttyq arnasynyń Mańǵystaý oblysyndaǵy menshikti tilshisi, Mańǵystaý oblysy ákimi baspasóz qyzmetiniń bas mamany, «Qazaqstan» RTRK» AQ Mańǵystaý oblystyq fılıaly dırektorynyń orynbasary – bas redaktory boldy.
Aqparat salasynyń úzdigi.
«QR Prezıdenti teleradıokesheninde» 2022 jylǵy 1 sáýirden bastap isteıdi. Kazinform halyqaralyq aqparat agenttigi basqarýshy dırektorynyń orynbasary – qazaq redaktsııasynyń bas redaktory.