Mańǵystaýda qurylys basqarmasynyń basshysy sottaldy

<p>ASTANA. KAZINFORM - Aqtaý qalalyq sotynda &laquo;Mańǵystaý oblystyq qurylys, sáýlet jáne qala qurylysy basqarmasy&raquo; MM basshysy men &laquo;A&raquo; JShS-niń ókiline qatysty qylmystyq is qaraldy.</p>

Sottalýshy «M» «Mańǵystaý oblysynyń qurylys, sáýlet jáne qala qurylysy basqarmasy» MM-niń basshysy bola tura, «A» JShS-niń «N» merdiger kompanııasymen Fort-Shevchenko qalasynda 260 oryndyq kásiptik baǵdar berý jáne ónertapqyshtyq óner mektebiniń qurylysyna ınjenerlik qyzmet kórsetý jáne tehnıkalyq qadaǵalaýdy júzege asyrý týraly kelisimshartty jasaýǵa yqpal etkeni úshin, sondaı-aq kórsetiletin qyzmetterdiń aktilerine qol qoıý úshin jáne jalpy bolashaqtaǵy qamqorlyǵy úshin «A» JShS-niń ókili A-dan 5 mıllıon teńge para alǵan.

Sottalýshylardyń kinási kýálardyń jaýaptarymen, saraptama qorytyndysymen jáne ózge de is materıaldarmen dáleldendi.

Sondyqtan sot úkimimen basqarma basshysy QK 366-babynyń 2-bóligimen kináli dep tanylyp, memlekettik qyzmette jumys isteý quqyǵynan ómir boıyna aırylyp, 3 jyl 6 aı merzimge sottaldy.

Al, seriktestik ókili QK-tiń 367-babynyń 2-bóligimen kináli dep tanylyp, oǵan 2 jyl merzimge bas bostandyǵynan aıyrý jazasy taǵaıyndaldy. Sondaı-aq, Qylmystyq kodekstiń 55-baby 4-bóligimen ol da memlekettik qyzmette jumys isteý quqyǵynan ómir boıyna aıryldy.