Mańǵystaýda qoqys polıgonyna jaýapty kásipkerge aıyppul salyndy

<p>AQTAÝ. KAZINFORM &ndash; Mańǵystaý oblysynda qoqys polıgonynda tutanǵan órt áli tolyq óshirilgen joq. Munaıly aýdany men Aqtaý qalasynyń turǵyndary kesheden beri kúıiktiń ıisine shaǵymdanyp otyr. Osydan keıin ekologtar tekserý júrgizip, aýa quramynda ýly gazdardyń shekti mólsherden kóp ekenin anyqtady.</p>

— Polıgon aýmaǵy 6 ýchaskege bólinedi. Sonyń ekeýi qoqysqa toly. Qazir órtenip jatqan ekinshi ýchaske. Ony rekýltıvatsııalaýdy durys atqarmaǵan kásipkerge 200 aılyq-eseptik kórsetkish mólsherinde aıyppul salyndy, — deıdi oblystyq ekologııa departamentiniń basshysy Armat Júsipqalıev.

Departament basshysynyń sózinshe, polıgonǵa Aqtaý qalasynan, Munaıly aýdanynan jáne Túpqaraǵan aýdanyna qarasty eki aýyldan turmystyq qaldyqtar tasymaldanady. Polıgonda jınalǵan qoqystyń suryptalmaýyna baılanysty, ózdiginen janý qasıeti bar bıogaz paıda bolǵan.

— Munaıly aýdany ákimdiginiń arqasynda sol jerge 7 samosval, 4 shynjyr tabandy tıegish, 1 býldozer men 20 shaqty qyzmetkerdiń arqasynda jedel jumystar júrgizilip, órttiń joıý jumysyn keshe 15 kúni saǵat keshki altyda aıaqtaǵan bolatyn. Qazirgi tańda polıgonda órt sóndirý jumystary áli jalǵasyp jatyr. Biz qazir sóndirdik, boldyq dep aıta almaımyz. Sebebi ol astynan kelip jatqan bıogaz, ár ýaqytta shyǵyp ketý qaýpi bar, — deıdi Armat Júsipqalıev.

Buǵan deıin Mańǵystaýda qoqys polıgonynyń órtenip jatqany týraly jazǵan bolatynbyz.