Mańǵystaýda qoqys polıgony órtenip jatyr

<p>AQTAÝ. KAZINFORM - Oblystyq tótenshe jaǵdaılar departamentiniń málimetinshe, &nbsp;búgin Munaıly aýdany Baıandy aýylynyń mańyndaǵy turmystyq qatty qaldyqtar polıgonynda órt tutanǵan. Saǵat 16-00 de shamamen 650 sharshy metr aýmaqty sharpydy. Atalǵan polıgon &laquo;Mańǵystaý Jaryq&raquo; memlekettik kommýnaldyq mekemesine qarasty. Jalpy aýmaǵy 25 gektar, tereńdigi 13 gektardy quraıdy.&nbsp;</p>

- Qazirgi tańda polıgonda rekýltıvatsııa jumystary júrgizilýde. 12 arnaıy tehnıkamen 15 adam jumyldyrylǵan. Qazir qalada tútin men kúıiktiń ıisi sezilmeıdi, - deıdi oblystyq tótenshe jaǵdaılar departamentiniń bastyǵy Murat Muqanov.

Oqıǵa aqparattyq esepke alý kitabyna tirkelip, ekologııa departamentine hat joldanǵan. Munaıly aýdany aýmaǵynda aýa-raıy ashyq, jaýyn-shashynsyz, aýa temperatýrasy +27S, soltústik-shyǵystan sekýndyna 1-7 metr jel soǵyp tur.

Mańǵystaý oblystyq ekologııa departamentiniń habarlaýynsha, zerthanalyq-taldamalyq baqylaý bóliminiń tarapynan atmosferalyq aýany ólsheý quralynyń jyldyq tekseris ótkizýge joldanýyna baılanysty, synama alý múmkindigi bolmaǵan.

Biraq «Kazgıdromet» RMK «Air.kz» mobıldik qosymshasy boıynsha 12 shaǵyn aýdanda ornalasqan 5-lastamaly baqylaý beketinde kúkirt sýttegi kórsetkishiniń shekten tys asýy anyqtalǵan. 

Buǵan deıin Aqtaýda er adam óz-ózine pyshaq suǵyp, joǵary qabattan sekirip ketkeni týraly jazǵan bolatynbyz.