Mańǵystaýda Qyzyl kitapqa engen jabaıy ań-qustar jylyna 15-20% kóbeıip jatyr

<p>AQTAÝ. KAZINFORM — Qyzylsaı memlekettik óńirlik tabıǵı parkine qarasty Jabaıushqan qaýmalynda 500-den astam Ústirt arqary tirkelgen. Odan bólek, qaraquıryq, ıt aıý, sabanshy, qaraqal sekildi Qyzyl kitapqa engen ańdar men búrkit, ıtelgi, dýadaq, úki sııaqty qustar bar. Mamandar jabaıy ań-qustardyń jylyna 15-20 paıyzǵa kóbeıip jatqanyn jetkizdi.</p>

Foto: Qyzylsaı tabıǵı parkiniń fototuzaǵy

— Bizdiń mindetimiz — Jabaıushqan aýmaǵyndaǵy ań-qustarymyzdyń tynyshtyǵyn saqtap, jaı-kúıin baqylaý. Ol úshin kúndelikti reıdke shyǵamyz. Arnaıy ózimizdiń fototuzaqtarymyz bar, solardy tekserip, bulaqtardyń kózin ashamyz. Bóten kólikter kelse, maqsatyn anyqtap, aýmaqtan shyǵaryp jiberemiz, — deıdi «Qyzylsaı» memlekettik óńirlik tabıǵı parki Jabaıushqan qaýmalynyń ınspektory Abyl Esenǵalıev.

Foto: Qyzylsaı tabıǵı parkiniń fototuzaǵy

Qoryqshylarǵa bıyl 3 jańa avtokólik, fototuzaqtar men dúrbiler berilgen.

Sonyń arqasynda joıylý qaýpi tóngen tuıaqtylar men qanattylardy baqylaý jumystary jandana tústi. 

Foto: Qyzylsaı tabıǵı parkiniń fototuzaǵy

— Inspektorlarǵa barlyq jaǵdaı jasalýda. Jańa kólikter kelip, zamanaýı jabdyqtarmen qamtamasyz etilip jatyr. Elektr qýaty júrgizilgen jyljymaly vagondar bar. Qazirgi tańda ańdardy qorǵap, olardyń bıoalýandyǵyn saqtaý úshin keshendi jumystar júrgizilýde. Sonyń arqasynda ań-qustardyń sany jylyna 15,20 paıyzǵa artyp otyr, — deıdi «Qyzylsaı» memlekettik óńirlik tabıǵı parkiniń ań tanýshysy Muhammed Rahım Boranbaev. 

Foto: vıdeodan alynǵan kadr

Mańǵystaýda «Qyzylsaı» memlekettik óńirlik tabıǵı parki 2012 jyly qurylǵan. Aýmaǵy — 700 myń gektar.

Oǵan bir park jáne 4 tabıǵı qaýmal kiredi. Park aýmaǵynda 60 tan astam ınspektor jumys isteıdi.

Buǵan deıin, Mańǵystaýda Kendirli kýrorttyq qalasynyń bas jospary jasaqtalǵanyn jazǵan edik.  

Foto: vıdeodan alynǵan skrın