Mańǵystaýda qyrylǵan ıtbalyqtar sany 62-ge jetti

<p>AQTAÝ. KAZINFORM - Mańǵystaý oblysyn Túpqaraǵan aýdanynda teńiz jaǵalaýynan tabylǵan ıtbalyqtardyń óleksesi 62 basqa jetti.</p>

Bul týraly Jaıyq-Kaspıı oblysaralyq basseındik balyq sharýashylyǵy ınspektsııasynyń mamandary anyqtady.

Búgin kúndizgi saǵat 15:00-ke deıin teńiz jaǵalaýynan ıtbalyqtyń 62 ushasy tabylǵan. Atalǵan jaǵdaı anyqtalǵan soń oqıǵa ornyna monıtorıng jasaý toby attandy. Olardyń ishinde oblystyq balyq ınspektsııasy, Ekologııa departamenti jáne aýdandyq ákimdik ókilderi bar.

Tekserý kezinde Ekologııa departamentiniń mamandary teńiz sýynan synama alǵanyn habarlady. Sondaı-aq ınspektorlar jaǵdaı týraly tabıǵatty qorǵaý prokýratýrasyna, veterınarlyq qyzmet pen Kaspıı ıtbalyǵyn zertteý jáne ońaltý ortalyǵyna, gıdrobıologııa jáne ekologııa ınstıtýtyna, mıkrobıologııa jáne vırýsologııa ǵylymı-óndiristik ortalyǵyna habarlama bergenin málimdedi.

Buǵan deıin Mańǵystaýda teńiz jaǵasynan qyryq ıtbalyqtyń óleksesi tabylǵan bolatyn. Osyǵan qatysy oblystyq balyq ınspektsııasynyń basshylyǵy tıisti tekserý jumystary bastalǵanyn málimdedi.