Mańǵystaýda Kaspıı teńiziniń jaǵalaýynan taǵy da 121 ıtbalyqtyń óleksesi tabyldy

<p>AQTAÝ. KAZINFORM &ndash; Ótken aptada Túpqaraǵan aýdany aýmaǵyndaǵy teńiz jaǵasynan 289 óli&nbsp; ıtbalyq jınalǵan bolatyn. Mańǵystaý oblystyq Balyq sharýashylyǵy ınspektsııasy basshysynyń mindetin atqarýshy Andreı Rýtskııdiń málimdeýinshe, búgin 5 qarasha kúni taǵy 121 ólekse anyqtaldy.&nbsp;</p>

«Itbalyqtar soltústik-batystan soqqan jelden jaǵaǵa shyǵyp qalǵan. Óńirge Almaty qalasyndaǵy mıkrobıologııa jáne vırýsologııa ınstıtýtynyń mamandary kelip, Fort-Shevchenko, Baýtıno qalalaryna jetkizdik. Olar synama alýǵa jaramdy ólekselerden materıaldar alyp bastady. Bul – bas ınstıtýt. Al, osyǵan deıin kelgen ǵalymdar synamalardy alyp ketti. Zertteý jumystarynyń aldyn ala qorytyndysy shamamen 2-3 aıda ǵana shyǵady. Óıtkeni ol uzaq protsess», - deıdi Mańǵystaý oblystyq Balyq sharýashylyǵy ınspektsııasy basshysynyń mindetin atqarýshy Andreı Rýtskıı.

Foto: Jaıyq-Kaspıı oblysaralyq basseındik balyq sharýashylyǵy ınspektsııasy

Aıta keteıik, buǵan deıin Mańǵystaýda ólgen ıtbalyqtardyń sany 300ge jýyqtaǵanyn jazǵan bolatynbyz.