Mańǵystaýda gaz jarylyp, bir adam qaıtys boldy

<p>AQTAÝ. KAZINFORM - Mańǵystaý oblysynyń Beıneý aýdanyndaǵy jer úıde qoldan jasalǵan jylytý qazandyǵynda gaz jaryldy.</p>

Tótenshe oqıǵa aýdan ortalyǵynda 3 sáýir kúni túnde tirkelip, bir adam qaıtys boldy.

«Jarylys saldarynan jekemenshik úı tolyǵymen qırap, Beıneý aýylynyń turǵyny aýrýhanada kóz jumdy. Qaıǵyly oqıǵa tańǵa jýyq boldy. Bul týraly «KazTransGaz Aımaq» AQ apattyq brıgadasyna tótenshe jaǵdaı qyzmetkeri habarlaǵan. Oqıǵa ornyna jetken mamandar úıde qoldan jasalǵan gaz peshi ornatylǵanyn anyqtady. Apat týraly aýdandyq ákimdik pen polıtsııaǵa birden habar berildi. Aldyn ala málimetter boıynsha, aýaǵa gaz tarap, bólme ishine tolǵan. Úıde ornatylǵan qoldan jasalǵan gaz qazandyǵyna qatysty tekserýshi RTsKÝ mekemesi buryn osy jabdyqty aýystyrý týraly eskertý bergen eken. Biraq úı ıeleri ol eskertýdi elemegenge uqsaıdy. Qaıǵyly oqıǵa sebepteri tekseris qorytyndysy boıynsha anyqtalady», - dep jazylǵan «QazTransGaz Aımaq» AQ-nyń Qoǵammen baılanys departamenti taratqan málimette.

Buǵan deıin Mańǵystaý oblysynda gaz qubyry jelisinde órt shyǵyp, jarylys bolǵan edi. 

Beıneý aýdanynda «Ortalyq Azııa – Orta magıstraldy gaz qubyry» jelisinde jarylys oqıǵasynyń sebebi aıtyldy.