AQTAÝ. KAZINFORM – Jyl basynan beri oblysta ehınokokkozdyń jeti jaǵdaıy tirkeldi. Naýqastardyń ekeýi – bala. Bul týraly óńirdiń bas memlekettik sanıtarlyq dárigeri Gúlnar Úrkinbaeva málimdedi. Byltyr osy kezeńmen salystyrǵanda, bıyl aýrýdyń kórsetkishi 9 jaǵdaıǵa tómendegen.
«2023 jyly 16 adam aýyrdy. Bıyl tómendeý bar. Jańaózen qalasy men Túpqaraǵan aýdanynda 14 jasqa deıingi eki bala aýyryp qaldy. Munaıly qalasynda eń kóp kórsetkish 4 naýqas anyqtaldy», - dedi óńirlik sanıtarlyq-epıdemıologııalyq baqylaý departamentiniń basshysy Gúlnar Úrkinbaeva.
Ehınokokkoz aýrýy ishki organdardyń zaqymdanýy ıaǵnı, ehınokokk kıstalarynyń paıda bolýy. Ol kóbinese janýarlardan, ásirese ıtter men mysyqtardan juǵady.
Ehınokokkozdyń alǵashqy belgileri – álsizdik, bas aýrýy. Teride qyzyl daqtar túrinde usaq bórtpeler paıda bolyp, dene temperatýrasy joǵarylaıdy.
Aıagóz Іzbasarova
Іzbasarova Aıagóz Oralbaıqyzy televızııa salasynda 2003 jyldan beri jumys isteıdi. Eńbek jolyn «Qazaqstan» RTRK» AQ Mańǵystaý oblystyq fılıaly «Qazaqstan-Aqtaý» telearnasynda júrgizýshi-redaktorlyqtan bastap, redaktor, shef-redaktor qyzmetterin atqardy. Sońǵy 7 jyldan beri «Qazaqstan» Ulttyq arnasynyń Mańǵystaýdaǵy menshikti tilshisi. Aqparat salasynyń úzdigi. Kazinform halyqaralyq aqparat agenttiginde 2024 jylǵy mamyrdan bastap qyzmet etedi.