Mańǵystaýda eki mektep apatty jaǵdaıda jumys istep tur

<p>Mańǵystaýda apatty jaǵdaıdaǵy 2 mektep bar. 15 mektep úsh aýysymmen jumys isteıdi. Bul týraly Mańǵystaý oblystyq bilim basqarmasynyń basshysy Dınara Jumasheva málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Óńirdegi úsh aýysymdy jáne apatty jaǵdaıdaǵy mektepterdiń máselesin sheshý maqsatynda bıyl 3972 oryndyq 11 jekemenshik mektep paıdalanýǵa berilgen.

Aldaǵy 2 jylda 26 bilim ordasy ashylady dep josparlanyp otyr.

Onyń 17-si — kelesi jyly, al 9-y — 2025 jyly paıdalanýǵa berilmek.

— Óńirde bala týý jáne ishki kóshi-qon kórsetkishiniń artýyna baılanysty jyl saıyn balalar kontıngenti orta eseppen 6-7 myń balaǵa ósip otyr. Búgingi tańda oqýshy oryndarynyń tapshylyǵy — 11 096 oryn. Ótken jyly 9156 bolǵan. Bilim ınfraqurylymyn qoldaý qory esebinen 4800 oryndyq 4 mekteptiń quyrylysy júrgizilgen. 2024 jyly paıdalanýǵa beriledi. «Jaıly mektep» ulttyq jobasy aıasynda 22 myń oryndyq 21 mektep salynady. 13 mektepti kelesi jyly ashý josparlanyp otyr. Búginde 13 mekteptiń konkýrsy ótip, qurylys jumystary bastaldy. 2025 jyly qalǵan 8 mektep ashylmaq, -dedi Dınara Jumasheva.