Mańǵystaýda bilim berý uıymdary erteńnen bastap dástúrli formatqa oralady

<p>Mańǵystaý oblysynyń bilim berý uıymdary 24 qarashadan bastap dástúrli oqytý formatyna oralady. Bul týraly Qoǵamdyq kommýnıkatsııa ortalyǵynda ótken brıfıngte Mańǵystaý oblystyq bilim basqarmasynyń bólim basshysy Klara Qulataeva málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

- Mańǵystaýda 22-23 qarasha kúnderi aýa raıynyń qolaısyzdyǵyna baılanysty Aqtaý qalasy, Beıneý aýdany mektepteri túgel jáne Túpqaraǵan aýdany ishinara onlaın formatta jumys jasady. Qalǵan aýdan, qalalarda sabaq dástúrli formatta ótti. Búgin 23 qarasha kúni «Kazgıdromet» kásiporny Mańǵystaý oblystyq fılıalynyń eskertý hatyna sáıkes oblystyń basym bóliginde ekpini 15-20 m/s jel kútilýine baılanysty Aqtaý qalasyndaǵy 53 mekteptiń 43-i onlaın, 10 mektep offlaın formatta, Túpqaraǵan aýdanynda 9 mekteptiń bastaýysh synyptary onlaın, qalǵan aýdan, qalanyń oqýshylary túgel dástúrli formatta sabaqty bastady. Aýa raıynyń kúrt ózgerýine oraı, tústen keıin Jańaózen qalasynyń barlyq mektepteri qashyqtyqtan oqytýǵa kóshiriledi, -dedi Klara Qulataeva.

24 qarasha kúni óńirde barlyq qalalar men aýdandarda sabaq dástúrli formatta ótedi.