Mańǵystaýda «Beıneý-Jańaózen» magıstraldyq gaz qubyrynyń ekinshi jelisi iske qosyldy

<p>Mańǵystaý &ndash; elimiz boıynsha tabıǵı gazdy eń kóp tutynatyn aımaq. Ótken jyly óńirge 2,6 mlrd tekshe metr kógildir otyn qajet boldy. Bul &ndash; respýblıka boıynsha&nbsp; ishki naryqtaǵy tutyný&nbsp; qajettiliginiń 19%-y, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

El Prezıdentiniń tapsyrmasymen 2023 jyldyń qazan aıynda uzyndyǵy 308 shaqyrym «Beıneý-Jańaózen» magıstraldyq gaz qubyrynyń ekinshi jelisi boıynsha gaz berý bastaldy. Onyń qurylysy óńirdiń 2021-2025 jyldarǵa arnalǵan áleýmettik-ekonomıkalyq damýynyń keshendi jospary sheńberinde júzege asyryldy. Bul týraly Nurlan Noǵaev baspasóz máslıhatynda aıtty.

Mańǵystaý oblysynda gazdandyrý salasyndaǵy jobalardy iske asyrý qarqyndy júrip jatyr, bul gaz tasymaldaý júıesiniń qýaty men ótkizý qabiletin arttyrýǵa, óńirdiń tabıǵı gazyn tutynýdyń ósip kele jatqan kólemin jabýǵa jáne óńirdiń energııa qaýipsizdigin qamtamasyz etýge múmkindik beredi. Bul jobalar jańa óndiristik qýattardy qurýǵa múmkindik beretin eldiń energetıkalyq qaýipsizdigin qamtamasyz etýde mańyzdy ról atqarady. Atalǵan jobalar «Qazaq Gaz» jáne «Samuryq-Qazyna» qorynyń qoldaýymen júzege asyryldy.

2023 jyldyń qazan aıynda Mańǵystaýda «Beıneý-Jańaózen» magıstraldyq gaz qubyrynyń ekinshi jelisi iske qosyldy. «Beıneý-Jańaózen» magıstraldyq gaz qubyrynyń ekinshi jelisin iske qosý eldi mekenderdi, iri ónerkásiptik obektilerdi, sondaı-aq Mańǵystaý oblysynyń negizgi energetıkalyq kásiporny – jylý jáne elektr energııasyn óndiretin «MAEK» JShS turaqty gazben jabdyqtaýdy qamtamasyz etedi. Máselen, «Beıneý-Jańaózen» gaz qubyrynyń ekinshi jelisiniń ótkizý qabileti jylyna 5,8 mlrd tekshe metr. Buǵan deıin «Okarem-Beıneý» gaz qubyry osy baǵyt boıynsha 3 mlrd tekshe metrden astam aıdaýdy qamtamasyz etken bolatyn. Endi eki gaz qubyrynyń jalpy ótkizý qabileti jylyna shamamen 9 mlrd tekshe metrge jetedi. Bul óńirdiń qajettilikterin tolyǵymen jabady.

Sondaı-aq turaqty gazben jabdyqtaý maqsatynda respýblıkalyq bıýdjetten «Jańaózen-Aqtaý» magıstraldyq gaz qubyrynyń 4 jelisin salý jobasyn iske asyrýǵa 5,3 mlrd teńge (148 km gazben jabdyqtaý jelileri) bólindi.

«Prezıdenttiń tapsyrmasy boıynsha Quryq aýyly aýdanyndaǵy AGTS-ten «Sarshadan» - «Jyly jaǵajaı» kýrorttyq aımaǵyndaǵy «Rıksos» qonaq úıine deıingi joǵary qysymdy gaz qubyry da aıaqtaldy. Bul joba Quryq kentin jáne jaqyn jerde ornalasqan óndiristik obektilerdi gazben qamtamasyz etýge múmkindik beredi. Bul jaǵajaı týrızmin damytý úshin óte mańyzdy joba», - dedi Nurlan Noǵaev.

Sondaı - aq iske asyrylyp jatqan «Kaspıı energetıkalyq haby» sheńberinde jańa shaǵyn aýdandardy turaqty gazben jabdyqtaý maqsatynda «Jańaózen-Aqtaý» MG qubyrynan bastalatyn avtomattandyrylǵan gaz taratý stantsııasy bar magıstraldyq gaz qubyrynyń qurylysy júrip jatqanyn atap ótken jón.

Uzyndyǵy 52 shaqyrymdyq gaz qubyry Aqtaý qalasynyń jańa shaǵyn aýdandarynyń, Munaıly aýdanynyń Qyzyltóbe, Dáýlet jáne Baıandy aýyldarynyń, sondaı-aq Túpqaraǵan aýdanynyń Aqshuqyr jáne Saın Shapaǵatov aýyldarynyń 150 myńǵa jýyq turǵynyn jylýmen jáne taýarlyq gazben qamtamasyz etýge múmkindik beredi. Jobany bıyl jyl sońyna deıin aıaqtaý josparlanyp otyr. Ol úshin respýblıkalyq bıýdjetten 3,7 mlrd teńge bólindi.