Mańǵystaýda balabaqshadan 30 mıllıon teńge urlaǵan býhgalter sottaldy

<p>ASTANA. KAZINFORM - Qylmystyq derek Jańaózen qalasynda tirkelgen. Prokýratýra eki birdeı memlekettik balabaqshanyń bıýdjetinen qarajat urlaý faktisin anyqtady.&nbsp;</p>

Tekserýlerdiń nátıjesinde eki balabaqshadan qarajat jymqyrǵan bir býhgalter bolyp shyqty. Ol óziniń jeke shotyna jalpy somasy - 30 mıllıon teńgeni zańsyz aýdarǵan.

Osy derek boıynsha qylmystyq is qozǵalyp, býhgalter Qazaqstan Respýblıkasy Qylmystyq kodeksiniń 189-baby 4-bóligi 2-tarmaǵy boıynsha kináli dep tanyldy. Jańaózen qalalyq sotynyń úkimimen, oǵan shartty túrde 6 jyl merzimge bas bostandyǵynan aıyrý jazasy taǵaıyndaldy.

Al, 30 mıllıon teńge kólemindegi qarajat memleketke tolyq kólemde qaıtaryldy.