Mańǵystaýda aýyz sý tapshylyǵyn boldyrmaý úshin 7 joba iske asyrylady

<p>AQTAÝ. KAZINFORM &ndash; Oblystyq energetıka jáne turǵyn úı kommýnaldyq sharýashylyǵy basqarmasynyń basshysy Ábdesh Túrikmenbaevtyń aıtýynsha, qazir oblysta sý tapshylyǵy shamamen 40 myń tekshe metrdi quraıdy. Máseleni sheshý úshin bıyl birneshe jobany iske qosý kózdelgen.&nbsp;</p>

Máselen, maýsym aıynyń sońyna deıin «MAEK» kásiporny aýmaǵynda táýligine 6 000 tekshe metr sý tushytatyn qondyrǵylar iske qosylady. Sondaı-aq «SK-A-Stroı» seriktestigi salǵan sý tushytý zaýytynyń qýatyn 5 000-nan 10 000 tekshe metrge deıin arttyrý josparlanǵan. 

20-maýsymǵa deıin Aqshuqyr jáne Saıyn Shapaǵatov aýyldaryna qajetti mólsherde sý berý úshin, jeke ınvestıtsııalyq joba – sý tushytý qondyrǵysy iske qosylmaq. Al, shilde aıynda Fort-Shevchenko qalasy men onyń mańyndaǵy eldi-mekender úshin, qýattylyǵy táýligine 5000 tekshe metr sý tushytý qondyrǵysynyń qurylysy aıaqtalady. 

– Qarajanbas ken ornynda sý tushytý zaýyty iske qosyldy. Syıymdylyǵy – 17 myń tekshe metr. Nátıjesinde «Astrahan-Mańǵyshlaq» sý qubyrynan artylatyn 15 myń tekshe metr sýdy oblystyń eldi mekenderine jiberý josparlanýda. Osynyń esebinen Jańaózen qalasyn, Beıneý, Jetibaı, Munaıshy, Tuşyqudyq aýyldaryn sýmen qamtýdy kózdep otyrmyz, - deıdi Ábdesh Túrikmenbaev. 

Al, tamyzda aıynda Aqtaýda «Kaspıı sý tushytý zaýytynyń qýattylyǵyn táýligine 20 000-nan 40 000 tekshe metrge deıin ulǵaıtý» jobasy aıaqtalady. Sondyqtan tamyzdan bastap Aqtaý qalasyna táýligine qosymsha 6 000 tekshe metr aýyz sý berilmek. Sonymen qatar Munaıly jáne Qaraqııa aýdandary, jyly jaǵajaı nysandary men óndiristik aımaqtar da sýmen qamtylady. 

Munaıly aýdanyndaǵy ásirese jazǵy maýsymdaǵy aýyz sý tapshylyǵyn sheshý úshin, Baıandy aýylyndaǵy sý tuşytý qondyrǵysy arqyly táýligine qosymsha 3 000 tekshe metr aýyz sý berý josparlanyp otyr. 

Basqarma basshysynyń málimetinshe, aımaqta aýyz sý tapshylyǵy 2025 jyly tolyq sheshilmek.