Mańǵystaýda aýylǵa adasyp kelgen aqqý Kaspııge jetkizildi

<p>AQTAÝ. KAZINFORM - Mańǵystaýda tabıǵı park qyzmetkerleri úıirinen adasqan aqqýdy teńizge jiberdi.</p>

"Qyzylsaı" memlekettik óńirlik tabıǵı parkiniń ınspektorlary adasyp, aýylǵa kelgen aqqýdy Kaspıı teńizine jetkizgenin málimdedi.

«Saıótes aýyly mańyndaǵy bazalardyń birine úıirinen adasyp álsirep qalǵan aqqý kelip qonǵanyn turǵyndardyń biri "Qyzylsaı" memlekettik óńirlik tabıǵı parki qyzmetkerlerine habarlady. Mekemeniń memlekettik ınspektorlary aqqýdy alyp, teńizge jetkizdi», - dedi park dırektory Nurbergen Qarataýov.

Budan bólek, naýryz aıynda «Qyzylsaı» óńirlik tabıǵı parkine qarasty «Adamtas» memlekettik tabıǵı qaýmaly aýmaǵynda qoqıqaz, aqqý, birqazan, qasqaldaq, úırek sekildi maýsymdyq qustar ushyp kelgeni aıtyldy.

Sondaı-aq, park ınspektorlary erekshe qorǵalatyn tabıǵı aýmaqtaryndaǵy fototuzaqqa túsken dala ańdarynyń kóktem ýaqytyndaǵy jaı-kúıi fototuzaqqa túsip qaldy.