Mańǵystaýda áskerı teńizshiler biliktiligin shyńdady

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Mańǵystaý oblysynda áskerı teńizshiler oqý-jattyǵý barysynda biliktiligin shyńdady, dep habarlaıdy<a href="https://kaz.inform.kz/" target="_blank" rel="noopener"> QazAqparat</a> tilshisi.<span style="mso-spacerun: yes;">&nbsp; </span></span></p>

Oqý-jattyǵý kezinde áskerı teńizshiler órt pen áýe nysanynan qaýip tóngen jaǵdaıda qandaı is-shara qoldaný keregin pysyqtady. Sonymen qatar jaý atqan oq saldarynan órt shyqqan jaǵdaıda áskerı qyzmetshiler saqadaı saı turýy qajet ekeni túsindirildi.

 

«Oral» zymyran-artıllerııalyq keme komandıri, 3-dárejeli kapıtan Shahrýh Abdýrazakovtyń aıtýynsha, shabýyl jasaýshylar kez kelgen qaýipti iske daıyn. Olar ushaq, tikushaq, ushqysyz ushý apparatymen de oq jaýdyryp, qaýip tóndirý múmkin. Sol sebepti oqý-jattyǵý barysynda áskerı teńizshiler 120 metr bıiktikke deıin kóterilgen arnaıy qyzyl shardy jaýdan kelgen áýe nysany retinde sanap, ony kolıbri 30 mıllımetr artıllerııalyq qondyrǵymen joıý arqyly biliktiligin shyńdady.

 

«Búgin Kaspıı teńizine shyǵyp dıvızıonymyzdyń urysqa saqadaı saı ekenin kórdik. Dıvızıondaǵy kemeler jıi teńizge shyǵyp, oqý-jattyǵý ádisterin ári qaraı pysyqtaıdy. Ózderińiz baıqaǵandaı, árbir matros, ofıtser, starshına óz jumysyn, óz mindetin jiti biledi. Aıta ketý kerek, Kaspıı óńirindegi ekonomıkalyq jaǵdaı, halyqtyń jaǵdaıyn qorǵaý – áskerı teńizshilerdiń basty mindeti», - dedi Jumabek Hasenov.

 

Búginde Kaspıı teńiziniń mańyn qorǵaýǵa atsalysyp júrgen áskerı teńizshilerdiń sany 1000-nan asady.